Kutaura zvisinakanaka

Kutaura zvisina rukudzo kana zvisina ruremekedzo pamusoro paMwari kana zvinhu zvinoera.

Jesu akapiwa mhosva kazhinji nemaJuda achinzi ari kutaura zvisina rukudzo nokuti aiti ane kodzero yekuregerera zvitadzo (Mat. 9:2–3; Ruka 5:20–21), nokuti aizvidaidza kuti Mwanakomana waMwari (Joh. 10:22–36; 19:7), nokuti akati vachazomuona agere kurudyi rwesimba, achiuya ari mumakore edenga (Mat. 26:64–65). Mhosva idzi dzingadai dzakave dzechokwadi dai akanga asiri chaizvo zvaaiti ari. Mhosva yaakapiwa nevapupuri venhema pakutongwa kwake pamberi peSanihederini (Mat. 26:59–61) yaive yekutaura zvisina rukudzo pamusoro petemberi yaMwari. Kutuka nekushora Mweya Mutsvene, kunove ndiko kuramba Kristu uchida mushure mekunge wagashira kuziva kwakakwana kwake, ndicho chitadzo chisingaregererwe (Mat. 12:31–32; Marko 3:28–29; D&Z 132:27).