Sinagoge

Nzvimbo yekusangana yakanangana nezvechitendero. Munguva dzeTestamente Itsva, midziyo yacho yakanga iri mishoma, maive neAreka yaive nezvinyorwa zvemurau nezvimwe zvinyorwa zvinoera, pekuverengera, nezvigaro zvevanamati.

Dare revakuru vemo raichengetedza sinagoge yega-yega. Vaisarudza kuti ndiani aipinzwa kana kuti aisapinda (Joh. 9:22; 12:42). Munhu aive nechinzvimbo chaikosha zvikuru aiwe mutongi vesinagoge (Ruka 13:14; Marko 5:22). Kazhinji aive munyori, aichengeta imba yacho, achitarisa kuitwa kwemisangano. Mumiriri aiita mabasa ehunyori (Ruka 4:20).

Maive nesinagoge muguta rose raigara maJuda, kwose muParastina nekumwewo. Izvi zvakange zviri chiyamuro chikuru mukuparidzira vhangeri raJesu Kristu nokuti vapirisita vekutanga veChechi vaikwanisa kutaura mumasinagoge (Mabasa 13:5, 14; 14:1; 17:1, 10; 18:4). Iko kuita ikoku kwaivepo pakati pevashumiri muBhuku raMormoni (Aru. 16:13; 21:4–5; 32:1), nepakati pevashumiri vekutanga munguva mukuva uno (D&Z 66:7; 68:1).