Sekushandiswa kwazvinoitwa mumagwaro matsvene, kuregerera kazhinji zvinoreva chimwe chezvinhu zviviri: (1) Kana Mwari vachiregerera vanhu, vanobvisa kana kuisa parutivi kuranga kunenge kuchidiwa kwechitadzo. Kuburikidza nerudzikinuro rwaKristu, ruregerero rwezvitadzo rwunowanika kune vose avo vanotendeuka, kunze kweavo vane mhosva yekuponda kana chitema chisingaregererwe chekutadzira Mweya Mutsvene. (2) Sekuregererana kunenge kuchiita vanhu, vanobatana nerudo rwunenge rwaKristu uye havana pfungwa dzakaipa kune avo vanenge vavatadzira (Mat. 5:43–45; 6:12–15; Ruka 17:3–4; 1 Ni. 7:19–21).