Kuuya Kwechipiri kwaJesu Kristu

Mukutanga kweMirenia, Kristu achauyazve panyika. Chiitiko ichi chichatara kupera kweupenyu hunoguma nekufa hwekuedzwa pano pasi. Vakaipa vachabviswa pano pasi uye vakarurama vachabatwa muguti pasi richichenesesa naizvazvo. Pasina munhu anonyatsoziva chaizvo kuti Kristu anouya rinhi kechipiri, akatipa zviratidzo zvekutarisa zvinoratidza kuti nguva yave kusebera pedyo (Mat. 24; JS—Mat. 1)

Mwanakomana wemunhu achauya ari mukubwinya kwaBaba vake, Mat. 16:27 (Mat. 25:31).
Kwezuva iroro kana nguva hakuna munhu anoziva, asi baba vangu chete, Mat. 24:36 (D&Z 49:7; JS—Mat. 1:38–48).
Iyeyu Jesu mumwecheteyo achauya nenzira yakafanana neyamakaona achienda kudenga, Mabasa 1:11.
Ishe pachake achaburuka kubva kudenga, Ⅰ VaT. 4:16.
Zuva raIshe richauya sembavha usiku, Ⅱ Pet. 3:10.
Ishe vanouya nemakumi ezviuru zvevatendi vake, Jud. 1:14.
Anouya nemakore; uye rose ziso richamuona, Zvaka. 1:7.

Gadzirirai, gadzirirai, nokuti Ishe vava pedyo, D&Z 1:12.
Ndichazviratidza pachangu kubva kudenga nesimba, ndogara pano pasi kwechiuru chemakore, D&Z 29:9–12.
Simudza izwi rako udaidzire kutendeuka, uchigadzira nzira yaIshe yekuuya kwake kwechipiri, D&Z 34:5–12.
Ndini Jesu Kristu, ndichaerekana ndauya kutemberi yangu, D&Z 36:8 (D&Z 133:2).
Zuva riri kusvika zvino zvino rekuti mundione, mugoziva kuti ndini, D&Z 38:8.
Uyo anonditya achange achitsvaga zviratidzo zvekuuya kweMwanakomana weMunhu, D&Z 45:39.
Chiso chaIshe chichafugurwa, D&Z 88:95.
Zuva guru rinotyisa raIshe rave pedyo, D&Z 110:16.
Apo Muponesi achazviratidza tichamuona sezvaari, D&Z 130:1.
Muponesi achamira pakati pevanhu vake uye achatonga, D&Z 133:25.
Ndiani uyu anouya pasi kubva kuna Mwari kudenga nenhumbi dzakashandurwa ruvara, D&Z 133:46 (Isa. 63:1).