Rute
MuTestamente yaKare, muMoabi muroora waNaome naErimereki, avo vaive maIsraeri. Mushure mekufa kwemurume wake, Rute akawanikwa nehama yaNaome, Boazi. Mwanakomana wavo Obedi aive tateguru waDavidi naKristu. Rungano rwaRute runoratidza zvinoyevedza kutendeuka kwemunhu asiri muIsraeri kuuya mudanga raIsraeri. Rute akasiya aive mwari wake nehwaive upenyu hwake kuti abatane nemba yerutendo mukushandira Mwari vaIsraeri (Rute 1:16).
Bhuku raRute
Chitsauko 1 chinotsanangura upenyu hwaErimereki nemhuri yake muMoabi. Mushure mekufa kwevarume vavo, Naome naRute vakaenda kuBetrehema. Chitsauko 2 chinotsanangura kuti Rute ainonga muminda yaBoazi. Chitsauko 3 chinotsanangura kuti Naome akataurira sei Rute kuti aende pahuriri hwekupurira agorara kumakumbo aBoazi. Chitsauko 4 rungano rwekuchata kwaRute naBoazi. Vakaita mwanakomana, Obedi, uyo ane mutsetse wakauya nawo Davidi naKristu.