Hezekia

Mambo akarurama werudzi rwemaJuda muTestamente yaKare. Akatonga kwemakumi maviri emakore ane makore mapfumbamwe, munguva yakange Isaya ari muporofita muJuda (Ⅱ Madz. 18–20; Ⅱ Mak. 29–32; Isa. 36–39). Isaya akamubatsira mukupindurudza zvose chechi nenyika. Akadzvinyirira kunamatwa kwezvifananidzo uye akaisa pakare mabasa etemberi. Upenyu hwaHezekia hwakawedze negumi remakore rine makore mashanu kuburikidza nokunamata nerutendo (Ⅱ Madz. 20:1–7). Chidimbu chekutanga chekutonga chake chakanga chakabudirira, asi kupandukira kwake mambo weAsiria (Ⅱ Madz. 18:7) kwakakonzera kupambwa kuviri nemaAsiria: kwekutanga kunotsanangurwa muna Isa. 10:24–32, kwechipiri muna Ⅱ Madz. 18:13–19:7. Mukurwiswa kwechipiri, Jerusarema rakaponeswa nengirozi yaIshe (Ⅱ Madz. 19:35).