Chegumi Onawo Mari; Mupiro Chikamu chegumi muzana rezvinowanikwa nemunhu pagore zvinopiwa kuna Ishe kuburikidza nemuChechi. Mari yechegumi inoshandiswa kuvaka dzimba dzechechi nematemberi, kutsigira basa rekushumira, nokuvaka umambo hwaMwari pano pasi. Abrahama aipa chegumi chezvinhu zvose zvaaive nazvo kuna Merkizedeki, Gen. 14:18–20 (VaH. 7:1–2, 9; Aru. 13:15). Chegumi chose ndechaIshe: chitsvene kuna Ishe, Rev. 27:30–34. Muchabvisa zvechokwadi chegumi chezvose zvamunopamhidzirwa, Deut. 14:22, 28. Chegumi chezvinhu zvose vaizviunza zvakawanda, Ⅱ Mak. 31:5. Munhu angabire Mwari here? Ko takakubirai papi? Mune chegumi nemirairo, Mara. 3:8–11 (3 Ni. 24:8–11). Uyo anobvisa chegumi haazotsva pakuuya kwake, D&Z 64:23 (D&Z 85:3). Imba yaIshe ichavakwa nekubvisa chegumi kwevanhu vavo, D&Z 97:11–12. Ishe vakaratidza mutemo wechegumi, D&Z 119. Chegumi chinoshandiswa nevedare, D&Z 120.