Rufu, rweMweya

Kutsaukaniswa kubva kuna Mwari nekutungamirwa naye; kufa kuzvinhu zviri maererano nokururama. Rusifa nechikamu chimwe muzvitatu chevanhu vekudenga vakafa rufu rwemweya apo pavakatandaniswa kubva kudenga (D&Z 29:36–37).

Rufu rwemweya rwakauiswa munyika nokupunzika kwaAdama (Mos. 6:48). Vanhu vane pfungwa dzakaipa, mazwi, nemabasa vakafa mumweya vachiri vapenyu pano pasi (Ⅰ Tim. 5:6). Kuburikidza nerudzikinuro rwaJesu Kristu nokuteerera zvirongwa nezvisungo zvevhangeri, varume nevakadzi vanogona kuve vakachena kubva muzvitadzo vokunda rufu rwemweya.

Rufu rwemweya rwunovepo rwuchitevera rufu rwemuviri wenyama. Vose vanhu vakamuka mukufa nadhiabhorosi nengirozi dzake vachatongwa. Avo vakapandukira chiedza nechokwadi chevhangeri nekuda vachafa rufu rwemweya. Rufu urwu rwunowanzonzi rufu rwechipiri (Aru. 12:16; Hir. 14:16–19; D&Z 76:36–38).

Vanhu vakasununguka kusarudza rusununguko neupenyu hwokusingaperi kana kusarudza hunhapwa nerufu, 2 Ni. 2:27 (2 Ni. 10:23; Aru. 29:5; Hir. 14:30–31).
Mwari akagadzira nzira yekuti tipunyuke kubva murufu negehena, 2 Ni. 9:10.
Zvisunungurei kubva kuzvirwadzo zvegehena kuti musazotambudzwa nerufu rwechipiri, Jak. 3:11.
Munhu wenyama muvengi waMwari, Mosaya 3:19.
Dai Ishe vakupaiwo rutendeuko kuti musazofa rufu rwechipiri, Aru. 13:30.
Aruma akanga akatenderedzwa necheni dzekusingaperi dzerufu, Aru. 36:18.
Vakaipa vanofa kuzvinhu zviri maererano nokururama, Aru. 40:26 (Aru. 12:16).
Kupunzika kwakaunza kurudzi rwevanhu rwose kufa kwemweya, Aru. 42:9 (Hir. 14:16–18).