Seksyon 91
Revelasyon Joseph Smith, Pwofèt la te resevwa nan Kirtland, Ohio, 9 Mas 1833. Nan epòk sa a, Pwofèt la te angaje nan tradiksyon Ansyen Testaman an. Li te rive nan ansyen ekriti ki rele Apokrif la, li te mande Senyè a epi l te resevwa enstriksyon sa a.
1–3, Apokrif la prèske toutafè byen tradui, men li gen anpil esplikasyon ki soti nan men lèzòm ki pa verite; 4–6, Li profitab pou moun Lespri a klere.
1 An verite, Senyè a di ou konsènan Apokrif la—gen anpil bagay ladan l ki se verite, epi anpil ladan l byen tradui;
2 Gen anpil bagay ladan l ki pa verite, ki se entèpretasyon lèzòm fè.
3 An verite, m di ou, se pa nesesè pou Apokrif la tradui.
4 Se poutèt sa, nenpòt moun ki li l, li dwe konprann, paske Lespri a manifeste verite;
5 Epi nenpòt moun Lespri a klere ap jwenn benefis ladan l;
6 Epi yon moun ki pa resevwa nan men Lespri a pa kapab benefisye. Se poutèt sa, se pa nesesè pou l tradui. Amèn.