Sentespri

Twazyèm manm nan Divinite a (1 Jn. 5:7; D&A 20:28). Li se yon pèsonaj Lespri, paske li pa genyen yon kò fizik avèk san (D&A 130:22). Souvan moun fè referans a Sentespri a kòm Lespri a, oubyen Lespri Bondye.

Sentespri a ranpli anpil wòl vital nan plan sali a. (1) Li rann temwayaj konsènan Papa a ak Pitit Gason an (1 Kor. 12:3; 3 Ne. 28:11; Etè 12:41). (2) Li revele verite tout bagay (Jan 14:26; 16:13; Mowo. 10:5; D&A 39:6). (3) Li sanntifye moun ki repanti epi ki vin batize (Jan 3:5; 3 Ne. 27:20; Moyiz 6:64–68). (4) Li se Lespri Sen Pwomès la (D&A 76:50–53; 132:7, 18–19, 26).

Pouvwa Sentespri a kapab vin sou yon moun anvan batèm, pou temwaye l levanjil la se verite. Men, dwa pou yon moun gen konpayi Sentespri a tout tan, se yon don moun nan kapab resevwa sèlman anba enpozisyon men yon lòt moun ki gen Prètriz Mèlkisedèk, lè l fin resevwa batèm otorize nan vrè Legliz Jezikri a.

Jezi te anseye nou tout peche kapab padone eksepte blasfèm kont Sentespri a (Mat. 12:31–32; Mak 3:28–29; Lik 12:10; Ebre 6:4–8; D&A 76:34–35).

Sentespri a pral di w nan panse w ak nan kè w, D&A 8:2.
Lespri a dirije moun nan byen, D&A 11:12.
Sentespri a konnen tout bagay, D&A 35:19.
Sentespri a anseye bagay pèzib ki nan wayòm nan, D&A 36:2 (D&A 39:6).
Si w pa resevwa Lespri a, pa anseye, D&A 42:14.
Sentespri a rann temwayaj de Papa a ak Pitit Gason an, D&A 42:17 (1 Kor. 12:3; 3 Ne. 11:32, 35–36).
Gen kèk moun Sentespri a bay mwayen pou yo konnen Jezikri se Pitit Gason Bondye a, D&A 46:13.
Nenpòt sa yo di lè Sentespri a anime yo sa ap ekriti, D&A 68:4.
Sentespri a pral devèse pou l rann temwayaj de tout bagay ou pral di, D&A 100:8.
Sentespri a pral konpayon w tout tan, D&A 121:45–46.