Jida

Nan Ansyen Testaman an, katriyèm pitit gason Jakòb avèk Leya a (Jen. 29:35; 37:26–27; 43:3, 8; 44:16; 49:8). Jakòb te beni Jida pou l te kapab yon dirijan natirèl nan pami pitit gason Jakòb yo epi pou Chilo (Jezikri) te kapab desandan l (Jen. 49:10).

Tribi Jida a

Tribi Jida a te pran gouvènman an apre tablisman nan Kanaran an. Rival prensipal li a sete tribi Efrayim nan. Moyiz te beni tribi Jida a (Det. 33:7). Apre rèy Salomon an, tribi Jida a te vin tounen wayòm Jida a.

Wayòm Jida a

Pandan rèy Robowam dominasyon Salomon yo te divize an de wayòm separe sitou akoz, jalouzi ant tribi Efrayim yo avèk Jida. Wayòm sid, oubyen wayòm Jida a, te genyen ladan l tribi Jida a ak pi gwo pati nan Benjamen an. Jerizalèm ki te kapital li. Pratikman li te rete pi fidèl nan adorasyon Jewova pase wayòm nò a. Jida te ekpoze mwens anba atak ki soti nan nò ak nan lès, epi pouvwa siprèm nan te rete nan men fanmi David la jis nan kaptivite Babilòn nan. Wayòm Jida a te rive egziste pandan 135 ane apre chit wayòm ki te pi peple epi ki te pi pisan nan Izrayèl la.

Bwa Jida a

Sa fè panse a Bib la kòm yon rejis kay Jida a (Ezek. 37:15–19). Nan dènye jou yo, lè tout kalite branch kay Izrayèl yo rasanble, rejis sakre yo ap rasanble ansanm tou. Youn konplete lòt nan rejis ekriti sa yo e yo fòme yon temwayaj inifye pou fè konnen Jezi se Kris la, Bondye Izrayèl la epi Bondye tout tè a (TJS, Jen. 50:24–36 [Apendis]; 2 Ne. 3; 29).