1 Nao, long saed blong ol samting we yufala i bin raet i kam long mi from, mo talem se: “?Hem i gud o no blong wan man i go wetem wan woman?”

2 Be mi talem: “Blong mekem se man i no go wetem woman o woman i go wetem man bifo long mared, bae evri man i mas gat waef blong hem, mo evri woman i mas gat wan hasban blong hem.

5 Tufala i no mas seperet long tufala, be nomo sapos tufala i agri blong mekem olsem blong smol taem, blong mekem se tufala i save livim kakae mo prea; mo kam tugeta bakegen, blong mekem se Setan i no temtem tufala from tufala i no save kontrolem filing blong bodi blong tufala.”

26 From hemia, mi ting se hemia i gud blong taem naoia, blong wan man i no mared blong mekem se hem i save mekem ol gudfala wok we oli moa gud.

29 Be mi toktok long yufala we mi singaotem long yufala long seves ia. Mi talem hemia ol brata: “Taem we i stap i sot tumas, long ples we bae mi sendem yufala blong mekem seves. Olgeta tu we oli gat ol waef, bae oli olsem se oli no gat waef; from mi singaotem mo jusum yufala blong mekem wok blong Lod.

30 Mo bambae i semmak wetem olgeta we oli krae, bae i olsem se oli no krae; mo olgeta we oli stap glad, bae i olsem se oli no glad, mo olgeta we oli stap pem samting, olsem se oli no gat wan samting i stap;

31 Mo olgeta we oli stap yusum wol ia, olsem se oli no stap yusum; from wol ia wetem ol fasin blong hem bae oli lus.

32 Be mi wantem, ol brata, se yufala i mas givim ona mo wok strong long koling blong yufala. Mi wantem se yufala i no mas wari. From se hem we i no mared, i stap wari long ol samting we i blong Lod, long ol wei blong mekem Lod i glad; from hemia, hem i stap win.

33 Be hem we i mared, i stap wari long ol samting we i blong wol ia, long wei blong mekem waef blong hem i glad; from hemia, i gat samting i defren, from hemia i stap blokem hem.”

38 Mekem se, man we i givim hem long mared, i stap mekem gud wok; be man we i no givim hem long mared, i mekem i gud moa.