1 Sikawa mpo na oyo etali makambo oyo bokomelaki ngai, kolobaka, Ezali malamu mpo na mobali ete asimba mwasi te.

2 Nzokande, nalobi, mpo na koboya bondumba, tika ete mobali moko moko azala na mwasi na ye moko, mpe tika ete mwasi na mwasi azala na mobali na ye moko.

5 Boboyana moko na mosusu te, longola se soki ezali na bondimani mpo na ntango moko, ete bokoka komipesa na kokila mpe losambo; mpe kosangana lisusu, ete Satana asenginia bino mpo na bozangi nguya ya komipekisa.

26 Nakanisi boye ete ezali malamu na kotalaka mobulu ya ntango oyo, mpo na mobali kotikala bongo ete akoka kosala bolamu bonene.

29 Kasi nazali koloba na bino oyo bobiangami na mosala. Mpo na oyo nalobi, bandeko bandimi, ntango oyo etikali ezali mokuse, ete botindama na mosala. Kutu bango oyo bazali na basi, basengeli kozala se lokola bazali na bango te; mpo bobiangami mpe boponami kosala mosala ya Nkolo.

30 Mpe ekozala na bango oyo bazali kolela, lokola se bazalaki kolela te; mpe oyo bazali kosepela, lokola se basepelaki te, mpe baoyo bazali kosomba, lokola se bazalaki na eloko te;

31 Mpe bango oyo bazali kosalela mokili oyo, bazala lokola se bazali kosalelaka yango te; mpo ete motindo ya mokili oyo ezali koleka.

32 Kasi nalingaki, bandeko bandimi, ete bokumisa libiangi na bino. Nalingi bino bozala ekenge. Mpo ete ye oyo abali te, azali komitungisa mpo na biloko oyo ezali ya Nkolo, lolenge nini akoki kosepelisa Nkolo; boye alongi.

33 Kasi ye oyo abali, atungisamaka mpo na biloko oyo ezali ya mokili, lolenge nini akoki kosepelisa mwasi na ye; boye bokeseni ezali, mpo ete apekisami.

38 Na yango, oyo amipesi ye moko na libala asali malamu, kasi oyo amipesi ye moko na libala te asali mwa malamu.