JS—Ukok, 1 Samuel 16:14–16, 23. Keidi 1 Samuel 16:14–16, 23; oktak ko āier wōt kein rekar kōm̧m̧an ilo 1 Samuel 18:10 im 19:9
Jetōb ettoon eo ej itok ioon Saul ej jab jān Irooj.
14 A Jetōb eo an Irooj eaar ilo̧k jān Saul, im juon jetōb ettoon eo me ekar jab jān Irooj eaar kainepataik e.
15 Im ro rikarejeran Saul raar ba n̄an e, Lo kiiō, juon jetōb ettoon eo ej jab jān Anij ej kainepataik eok.
16 Ad Irooj en jiron̄ ro rikarejeram̧, ro rej pād im̧aam, n̄an kappukot juon em̧m̧aan, eo ej etijem̧ļo̧k rikōjan̄jan̄ in juon arp; im ālikin men kein, n̄e jetōb eo ettoon, eo ej jab jān Anij, ej pād ioom, bwe e enaaj kōjan̄jan̄ kōn pein, im kwo naaj mour.
23 Im ālikin men kein, ke jetōb ettoon eo, eo ekar jab jān Anij, eaar pād ioon Saul, bwe Devid eaar bōk juon arp, im ekar kōjan̄jan̄ kōn pein; āindein Saul eaar ruj, im ekar wāmourur, im jetōb ettoon eo ekar ilo̧k jān e.