3 Komin jeļā men in m̧okta, bwe ilo raan ko āliktata enaaj wōr ri kajirere re naaj itok, im etetal ilokan jurjurmelea ko aer make.

4 Im kariabe Irooj Jisōs Kraist, im ba, Ewi kallim̧ur eo kōn itok eo An? bwe jān ke ro jeman rar kiki, aolep men re aikuj wōnm̧aanļo̧k wōt āinwōt aer waļo̧k, im re kar wōnm̧aanļo̧k āinwōt aer waļo̧k jān jino in kōm̧anm̧an eo.

5 Kōn men in re m̧ōņōņō in jaje kake, bwe iien ko etto lan̄ ko, im laļ eo ej jutak ilo dān im ļo̧k jān dān, kar kōm̧anm̧an er jān naan an Anij;

6 Im jān naan an Anij, laļ eo kar iien eo, kōnke ar jiōbļo̧k kōn dān eaar jako;

7 A lan̄ ko, im laļ ko kiiō, rej pād ilo oņaake jān ejja naan in wōt, jabwiki n̄an kijeek ņae raan in ekajet im kabin marok an armej ro re nana.

8 A kōn itok eo an Irooj, ro re jitenbōro, ij jab kōnan bwe komin jaje kōn men jab in, bwe juon raan ippān Irooj ej āinwōt juon to̧ujin iiō ko, im juon to̧ujin iiō ko ej āinwōt juon raan.

9 Irooj ej jab rum̧wij kōn An kallim̧ur im An itok, āinwōt jet armej rej watōke erum̧wij; a m̧eanwōd ņae kōj, jab kōņaan bwe jabdewōt en jako, a bwe aolep ren itok n̄an ukweļo̧k.

10 A raan eo an Irooj e naaj itok āinwōt juon ri kwo̧o̧t ilo bon̄, eo me ilo e lan̄ ko re naaj wūdiddid, im laļ barāinwōt enaaj makūtkūt, im toļ ko re naaj ōnļo̧k, im jako kōn ainikien eļap, im men ko kwobban re naaj obrak kōn bwil ekajoor; laļ barāinwōt e naaj obrak, im jerbal ko in wabanban me rej pād ie naaj tili.

11 Innām elan̄n̄e aolep men kein re naaj jako, ta jekjek in armej ro kom̧ij aikuj āinwōt ilo m̧wil ekwōjarjar im jerbal an Anij,

12 Ke kom̧ij erre ļo̧k, im m̧aanjabpopo n̄an raan in itok eo an Irooj iien eo me men ko in wabanban an lan̄ ko em̧ōj tili, naaj jakoļo̧k, im toļ ko re naaj ōnļo̧k kōn bwil ekajoor?

13 Mekarta, elan̄n̄e je naaj niknik n̄an jem̧ļo̧kin, je naaj pād ilo oņaake ekkar n̄an kallim̧ur eo An. Im jej erre ļo̧k n̄an juon lan̄ ko ekāāl, im juon laļ ekāāl ijo wānōk ej amņak.