JSN, Exodus 34:1–2, 14. Fa to Exodus 34:1–2, 14; N&A 84:21–26 ho
Nyankopɔn kyerɛw mbra no bio wɔ abopon a Moses esiesie do mbom oyi Melchizedek Asɔfodzi no na n’ayɛdze horow no fi Israel mba mu. Ɔma hɔn honandua afamu mbrasɛm hyɛ anan mu.
1 Na Ewuradze see Moses dɛ, Twa abopon ebien bi so a ɔtse dɛ dza odzi kan no, na menkyerɛw mbra no ho nsɛm wɔ hɔn so do dɛ mbrɛ mekyerɛwee wɔ apon no a ebobɔɔ no no do; mbom ɔnnkɛyɛ tse dɛ kan dze no, osiandɛ mibeyi asɔfodzi no efi hɔn finimfin; dɛm ntsi me nhyehyɛɛ krɔnkrɔn, na ayɛdze a ɔkã ho, rinndzi hɔn enyim nkɔ; na m’enyim remmba hɔn finimfin nye hɔn nnkɔ, ɔno mebɛsɛɛ hɔn.
2 Mbom mebɛma hɔn mbra dɛ mbrɛ odzi kan no, na mbom ɔbɛyɛ honam mu mbrasɛm dze; osiandɛ makã m’ebufuhyew mu ntam, dɛ wɔremmba m’enyim, nnhɛn m’ahomgye mu, wɔ hɔn akwantu nda mu. Dɛm ntsi yɛ dza mahyɛ wo no, na yɛ krado anapa no, na fow bra bepɔw Sinai do anapa no, na beyi wo ho edzi wɔ m’enyim, wɔ bepɔw yi do.
Jehovah yɛ dzin kor a Ahyɛmu dadaw no mu nkorɔfo dze nyim Ewuradze Jesus Christ.
14 Dɛm ntsi mma hom nnsɔr onyame fofor biara; osiandɛ Ewuradze, nyia ne dzin dze Jehovah no, yɛ Nyame nyinkufo.