PJS, Genesis 17:3–7, 11–12 (idilig iti Genesis 17:3–12)
(Binukel ti Dios ti katulagan ti panagkugit ken ni Abraham. Naipalgak ken ni Abraham ti ordinansa ti panagbuniag ken ti edad a panangrugi dagiti ubbing a maaddaan iti sunsungbatan.)
3 Ket napasamak, a nagdumog ni Abram, ket inawaganna ti nagan ti Apo.
4 Ket kinasao ti Dios, a kinunana, Tinallikudan dagiti taok ti pammilinko, ket dida tinungpal dagiti ordinansak, nga intedko kadagiti ammada;
5 Ket dida sinurot ti pannudingko, ken ti panangitanem, wenno panagbuniag nga imbilinko kadakuada;
6 Ngem tinallikudanda ti bilin, ket inaramidda a bukbukod ti pammuggo kadagiti ubbing, ken panagiwarsi iti dara;
7 Ket nasaon a nagsayasay ti dara ni nalinteg nga Abel para kadagiti basol; ket dida ammo no ania ti sungsungbatanda kaniak.
11 Ket ipasdekkonto ti katulagan ti panagkugit kenka, ket katulagak dayta kadata, ken kadagiti sumarsaruno a bukelmo, kadagiti kaputotanda; tapno agnanayon nga ammom nga awan sungsungbatan dagiti ubbing agingga a madanonda ti tawenda a walo.
12 Ket tungpalem ti amin a katulagak nga intulagko kadagiti ammayo; ket tungpalem dagiti bilin nga intedko kenka manipud iti bukodko a ngiwat, ket siakto ti Diosmo ken dagiti sumarsaruno a bukelmo.
PJS, Genesis 17:23 (idilig iti Genesis 17:17)
(Nagrag-o ni Abraham idi naipadto ti pannakayanak ni Isaac.)
23 Sa nagdumog ni Abraham ket nagrag-o, ket kinunana iti kaungganna, Iti tawenna a sangagasut makaputotto, ket ipasngayto ni Sara nga agtawen iti siam-a-pulo.