9 Ut ke’xye re, Jilon chawix. Ut ke’josq’o’ rik’in.

10 Ut ke’xye chirib’ileb’ rib’, Li jun winq a’in kichal chi kanaak sa’ qayanq, ut anajwan naxb’aanu rib’ jo’ aj raqol aatin; anajwan q’axal ra wi’chik taqab’aanu re a’an chiruheb’ li jun ch’ol chik.

11 Jo’kan naq ke’xye re li winq, Taqak’uleb’ li winq, ut eb’ laa rab’in ajwi’, ut taqab’aanu reheb’ jo’ naqak’oxla naq us.

12 Anajwan a’in jo’ chanru li maa’usilal aran Sodoma.

13 Ut laj Lot kixye: K’ehomaq reetal anajwan, wan wiib’ lin rab’in li moko wanjenaqeb’ ta rik’in winq; intz’aamahaq taxaq rik’ineb’ li was wiitz’in naq ink’a’ teb’ink’am eerik’in; ut ink’a’ teeb’aanu reheb’ jo’ nekek’oxla sa’ lee rilob’aal naq us;

14 Xb’aan naq li Dios ink’a’ tixtiikob’resi ru lix moos sa’ li na’leb’ a’in; jo’kan ut, intz’aamahaq chiruheb’ li was wiitz’in, li jun sut ajwi’ a’in, naq mik’a’ eeb’aanu reheb’ li winq a’in, re te’wanq sa’ tuqtuukilal sa’ wochoch; xb’aan naq xb’aan a’in ke’ok rub’el lin muheb’aal.

15 Ut ke’josq’o’ rik’in laj Lot ut ka’ch’in chik ma ke’xweq rokeb’aal li kab’l, a’b’anan eb’ lix anjel li Dios, li santil winqeb’, ke’xye’ li ruq’ ut ke’xkelo laj Lot sa’ li kab’l rik’ineb’, ut ke’xtz’ap li okeb’aal.