1 Kōn menin jab likūt pedped ko an katak ko an Kraist, jen wōnm̧aanļo̧k n̄an weeppān; jen jab bar kajutak pedped in ukeļo̧k jān jerbal ko remej, im kōn tōmak eo ej kaiokļo̧k Anij.

2 Kōn katak in peptaij ko, kōn likūt pā ko ion, im kōn jerkakpeje an ro re mej, im kōn ekajet indeeo.

3 Im jenaaj wōnm̧aanļo̧k n̄an weeppān eļan̄n̄e Anij ej kōtļo̧k.

4 Bwe E kar kōm̧m̧an bwe en ban n̄an ro kar juon iien kar kōmeramļo̧k er, im rekar edjon̄e mennin letok eo jān lan̄, im kar kōm̧m̧an er ri bōk jān Jetōb Kwōjarjar,

5 Im kar edjon̄e naan eo em̧m̧an an Anij, im kajoor ko an laļ eo ej itok,

6 Elan̄n̄e re naaj wōtlo̧k, n̄an bar kōkāāl bar juon alen n̄an ukweļo̧k; ilo lale rej debwāāle n̄an er make eo Nejin Anij ilo kāālin, im likūt E n̄an jook ejedmatmat.

7 Bwe raan eo ej itok n̄e laļ eo me ej idaak ilo wōt eo emakijkij an itok ion, im ej jebar mar ko rekkar n̄an ro rej jokwe ion, ro jān er ej kallib, ro kiiō rej bōk kōjeram̧m̧an ko jān Anij, naaj karreoiki kōn kijeek.

8 Bwe men eo me ej keotak kālōklōk ko im mar kuuj ko rej joļo̧ke, im ebaak n̄an kalia; kōn menin ro rej jebar jaab kōn leen ko rem̧m̧an, naaj joļo̧k er ilo kijeek eo; bwe aer jem̧ļo̧k ej n̄an bwil.

9 A, ro rejitenbōro, em̧ōj an reel buruōm kōn men ko rem̧m̧anļo̧k n̄an kom̧, im men ko rej aparetok lo̧mo̧o̧r, men̄e āinden am ekonono.

10 Bwe Anj ejjab jab wānōk, kōn menin E jamin naaj melo̧klo̧k jerbal ami im kijejeto in iakwe, ko me kom̧ ar kwaļo̧k kōn Etan, ilo men in ke kom̧ kar jipan̄ ro rekwōjarjar, im kom̧ij jipan̄.