1 Jo’kan ut, chi ink’a’ naqakanab’ li jar raqal chi tzol’leb’ re li Kristo, chooxik chi uub’ej toj sa’ li tz’aqal re ru; ut miqak’ojob’ wi’chik li k’ojleb’aal re jalb’a-k’a’uxlej chirix li kamenaqil k’anjel, ut re paab’aal chirix li Dios.

2 Re li tzol’leb’ reheb’ li kub’iha’, re xk’eeb’al li uq’ej, ut re xwaklijikeb’ li kamenaq chi yo’yo, ut re li junelikil raqb’a-aatin.

3 Ut tooxik chi uub’ej toj sa’ li tz’aqal re ru wi jo’kan naxk’e li Dios.

4 Xb’aan naq a’an ak xk’e naq ink’a’ naru choq’ reheb’ li ke’kutanob’resiik junxil, ut li ak ke’xyal xsahil li choxahil maatan, ut li ke’k’eeman jo’ aj tz’aqonel re li Santil Musiq’ej,

5 Ut ak ke’xyal xsahil lix chaab’il aatin li Dios, ut eb’ li wankilal re li ruchich’och’ chalel,

6 Wi te’xjalb’ehi rib’, naq te’ak’ob’resiiq wi’chik choq’ re li jalb’a-k’a’uxlej; rik’in naq neke’xk’e li Ralal li Dios chiru krus choq’ reheb’ xjunes, ut neke’xk’e sa’ jun xutaanal chi k’utk’u.

7 Xb’aan naq chalk re li kutan naq li ruchich’och’ li naruk’ li hab’ li kok’ aj xsa’ nachal sa’ xb’een, ut naruuchini li q’een xk’ulub’ choq’ reheb’ li neke’wan sa’ xb’een, li neke’ch’olanink re, li neke’xk’ul anajwan li osob’tesink rik’in li Dios, taach’ajob’resiiq rik’in xam.

8 Xb’aan naq li k’a’ru naruuchini k’ix ut pajl natz’eqtanaak, ut nach’ wan li majewaak rik’in; jo’kan ut eb’ li ink’a’ neke’ruchini li chaab’il te’kutmanq sa’ li xam; xb’aan naq li roso’jikeb’, a’an naq te’katq.

9 A’b’anan, ex raarookex, naqapaab’ eere chirix li k’a’ru jwal chaab’il wi’chik, ut li k’a’ru narochb’eeni li kolb’a-ib’, us ta noko’aatinak chi jo’kan.

10 Xb’aan naq moko maa’us ta li Dios, jo’kan naq ink’a’ taasachq sa’ xch’ool lee k’anjel ut lix yalb’al eeq’e sa’ rahok, li xek’utb’esi choq’ re lix k’ab’a’, rik’in naq xexk’anjelak chiruheb’ laj santil paab’anel, ut toj nekexk’anjelak.