3 Xb’aan naq laj Melkisedek a’in kik’ojob’aman choq’ aj tij jo’ chanru xk’anjelil li Ralal li Dios, a’ li k’anjelil li maak’a’ wi’ xyuwa’, maak’a’ xna’, maak’a’ alal k’ajolb’ej, chi maak’a’ xtiklajik lix kutan, chi moko roso’jik lix yu’am. Ut chixjunileb’ li k’ojob’anb’ileb’ sa’ li tijonelil a’in k’eeb’ileb’ chanchan li Ralal li Dios, li nakana choq’ aj tij chi rajlal.

19 Xb’aan naq li chaq’rab’ kik’anjelaman chi maak’a’ li xaqab’anb’il aatin ut maak’a’ kixtz’aqob’resi ru, a’b’an ka’ajwi’ kiroksi chaq jun li yo’onink jwal chaab’il wi’chik; li nokonach’ok wi’ rik’in li Dios.

20 Jo’ chanru naq li taqenaqil aj tij a’in moko kiwan ta chi maak’a’ li xaqab’anb’il aatin, xb’aan ajwi’ a’an naq li Jesus kik’eeman jo’ lix yeechi’inkil jun li sumwank jwal chaab’il wi’chik.

21 (Xb’aan naq eb’ laj tij a’an ke’ok sa’ xk’anjel chi maak’a’ li xaqab’anb’il aatin; a’b’an a’in rik’in jun xaqab’anb’il aatin xb’aan li ani kixye re, Li Qaawa’ kixxaqab’an aatin ut ink’a’ tixjal xk’a’uxl, Laa’at jun laj tij chi junelik jo’ chanru xk’anjelil laj Melkisedek;)

25 Xb’aan naq ki’ajman ru choq’ qe xkomon li taqenaqil aj tij a’in, li sant, maak’a’ xmaak, moko tz’ajninb’il ta, isinb’il rib’ rik’ineb’ laj maak, ut k’eeb’il choq’ aj taqlanel sa’ xb’een li choxa;

26 Ut moko jo’eb’ ta laj tij a’an li neke’q’axtesink re li mayej wulaj wulaj, xb’een wa choq’ re lix maakeb’ a’an, ut chirix a’an choq’ re lix maakeb’ li tenamit; xb’aan naq a’an ink’a’ kiraj ru xq’axtesinkil mayej choq’ re lix maak a’an, xb’aan naq maajun xmaak kixnaw; choq’ re b’an lix maakeb’ li tenamit. Ut a’in kixb’aanu li jun sut, naq a’an kixmayeja rib’.