BJS, Baebele 7:3. Meka na Baebele 7:3
Melikisedeki azalaki nganganzambe na molongo ya Mwana ya Nzambe. Banso oyo bazali kozwa bonganganzambe oyo bakoki kokoma lokola Mwana ya Nzambe.
3 Mpo Melikisedeki oyo akulisamaki nganganzambe engebene na molongo ya Mwana ya Nzambe, molongo oyo wapi ezalaki na kozangaka tata, kozangaka mama, kozangaka eboto, kozalaka na ebandeli ya mikolo te, to nsuka ya bomoi mpe te. Mpe banso oyo wana bakulisami na bonganganzambe boye basalemi na bokokani ya Mwana ya Nzambe, kotikalaka nganganzambe.
BJS, Baebele 7:19–21. Meka na Baebele 7:19–21
Mobeko elengelaki bato mpo na Yesu, oyo azali “bosolo ya boyokani ya ntina koleka.”
19 Mpo na mobeko epesamaki na kozangaka ndai mpe ememaki ata eloko moko na kobonga nie te, kasi ekotisaki kaka elikya ya ntina; na oyo topusani pene ya Nzambe.
20 Lokola nganganzambe monene oyo azanga ndai, na yango nde Yesu azalaki nkolo ya boyokani ya ntina koleka.
21 (Mpo banganganzambe basalemaki na bozangi ndai; kasi oyo akomaki yango na nzela ya ndai na oyo alobaki na ye, Nkolo alapaki ndai, mpe akotikala koyambola te, Ozali nganganzambe mpo na libela nsima ya molongo ya Melikisedeki;)
BJS, Baebele 7:25–26. Meka na Baebele 7:26–27
Yesu amibonzi Ye moko lokola libonza ezanga lisumu mpo na masumu na biso.
25 Mpo nganganzambe monene ya lolenge oyo abongi na biso, oyo mosantu, asalaka mabe te, azanga litono, atangolami na bato ya masumu, mpe atiami mokonzi likolo ya lola;
26 Mpe lokola banganganzambe banene oyo wana bazalaki kotumba mbeka mokolo na mokolo te, yambo mpo na masumu na bango moko, mpe nsima mpo na masumu ya bato; mpo asengelaki kotumba mbeka mpo na masumu na ye moko te, mpo ayebaki masumu te; kasi asengelaki kopesa mbeka mpo na oyo ya bato. Mpe oyo asalaki mbala moko, ntango amipesaki ye moko.