ປຈສ, ໂຢຮັນ 4:1–4. ປຽບທຽບໃສ່ກັບ ໂຢຮັນ 4:1–2
ພວກຟາຣີຊາຍພະຍາຍາມຂ້າພຣະເຢຊູ. ພຣະອົງໃຫ້ບັບຕິສະມາຈຳນວນໜຶ່ງ, ແຕ່ສານຸສິດຂອງພຣະອົງໃຫ້ບັບຕິສະມາຫລາຍກວ່າ.
1 ສະນັ້ນ ເມື່ອພວກຟາຣີຊາຍໄດ້ຍິນວ່າ ພຣະເຢຊູໄດ້ໃຫ້ບັບຕິສະມາຫລາຍກວ່າໂຢຮັນ,
2 ພວກເຂົາກໍຍິ່ງພະຍາຍາມຫລາຍຂຶ້ນດ້ວຍການຊອກຫາວິທີທີ່ຈະຂ້າພຣະອົງເສຍ; ເພາະຫລາຍຄົນໄດ້ຍອມຮັບໂຢຮັນວ່າເປັນສາດສະດາ, ແຕ່ພວກເຂົາບໍ່ເຊື່ອໃນພຣະເຢຊູເລີຍ.
3 ບັດນີ້ ພຣະຜູ້ເປັນເຈົ້າຮູ້ເຖິງເລື່ອງນີ້, ເຖິງແມ່ນວ່າຕົວພຣະອົງເອງບໍ່ເຄີຍໄດ້ໃຫ້ບັບຕິສະມາຫລາຍເທົ່າກັບສານຸສິດຂອງພຣະອົງ;
4 ເພາະພຣະອົງຍອມໃຫ້ເຂົາເຈົ້າເຮັດເຊັ່ນນີ້ ເພື່ອເປັນແບບຢ່າງ, ເພື່ອເປັນກຽດແກ່ກັນແລະກັນ.
ປຈສ, ໂຢຮັນ 4:26. ປຽບທຽບໃສ່ກັບ ໂຢຮັນ 4:24
ພຣະເຈົ້າສັນຍາວ່າຈະມອບພຣະວິນຍານຂອງພຣະອົງໃຫ້ຜູ້ທີ່ເຊື່ອຢ່າງແທ້ຈິງ.
26 ເພາະແກ່ຄົນເຊັ່ນນັ້ນ ພຣະເຈົ້າໄດ້ສັນຍາວ່າຈະມອບພຣະວິນຍານຂອງພຣະອົງໃຫ້. ແລະ ພວກເຂົາຜູ້ທີ່ນະມັດສະການພຣະອົງ, ຈະຕ້ອງນະມັດສະການດ້ວຍວິນຍານ ແລະ ດ້ວຍຄວາມຈິງ.