16 Ia era sa kaya vua, sa tu vei keimami na lawa, kei ira na parofita; ia na tamata oqo keimami na sega ni ciqomi koya me neimami iliuliu; ni sa buli koya me turaganilewa vei keimami.

17 Sa qai kaya ko Jisu vei ira, Na lawa kei ira na parofita era sa vakadinadinataki au; io, kei ira kece na parofita era sa volavola, io me yaco sara vei Joni, era sa tukuna mai na veisiga oqo.

18 Me tekivu mai na gauna ko ya, sa vunautaki tiko na matanitu ni Kalou, ia na tamata kecega e vakasaqara na dina sa sasaga yani kina.

19 Ka sa rawarawa me takali yani ko lomalagi kei vuravura, ka dredre me sega ni yaco e dua na tiki ni lawa lailai sara.

20 Ia na cava dou vakavuvulitaka kina na lawa, ka cakitaka na veika sa volai; ka vakacacani koya sa tala mai na Tamada me vakayacora na lawa, mo dou sereki kece kina?

21 Oi kemudou na lialia! Ni dou sa kaya e yalomudou, ni sega na Kalou. Ka dou sa golea vakatani na sala ni bula; ka sotava na matanitu vakalomalagi na ivalavala kaukauwa mai vei kemudou; ka dou vakacacani ira sa yalomalua; ia ena nomudou ivalavala kaukauwa dou sa segata kina mo dou vakarusa na matanitu; ka dou tauri ira vakaukauwa na gone ena matanitu. Ena ca vei kemudou na dau ia na veibutakoci!

22 Ia era sa vosa vakacacataki koya tale, ni ra sa rarawataka na kena tukuni ni ra sa dau ia na veibutakoci.

23 Ia sa tomana ko koya, ka kaya, Ko koya yadua sa biuta na watina, ka vakawatitaka tale e dua, sa ia na veibutakoci; ia ko koya talega sa vakawatitaki koya sa biu mai vua na watina, sa veibutakoci. Au sa kaya vakaidina vei kemudou, au na vakatauvatani kemudou vua na tamata vutuniyau.