21 Era na sega talega ni kaya, dou lako mai ki ke! Se, dou lako yani ki kea! Ia raica, sa lako oti mai na matanitu ni Kalou.

36 Era sa sauma ka kaya vua, Evei, Turaga, era na kau kina?

37 Sa qai kaya vei ira ko koya, Ena vanua cava ga era na soqoni vata kina; se, ena dua tale na kena vosa, evei ga na vanua era na soqoni vata kina na yalododonu, e keri talega era na soqoni vata kina na ikeli; se, e keri era na soqoni vata kina na kena vo.

38 A tukuna na veika oqo, me vakatakarakarataka kina na nodra vakasoqoni vata na nona yalododonu; ka vakakina me baleti ira na agilosi ena nodra siro sobu mai ka vakasoqoni ira vata na kena vo ki vei ira; e dua mai na idavodavo, ka dua tale mai na iqaqi, kei na dua tale mai na iteitei, e vei ga e vinaka vua.

39 Ni na dua vakaidina na lomalagi vou, ka dua na vuravura vou, na vanua sa tiko kina na buladodonu.

40 Ka na sega ni dua na ka tawasavasava; ni sa qase mai na vuravura, me vaka na isulu, ka sa levu na kena ca, ia sa takali tani yani, na itutu ni yavana ena vakatabui tikoga, sa savai mai na ivalavala ca kecega.