FIS, Luka 17:21 (faatusatusa i le Luka 17:20–21)
(Ua uma ona oo mai le malo o le Atua.)
21 Latou te lē faapea mai, Faauta, o iinei! pe, Faauta, o iila! Aua, faauta, ua uma ona oo mai le malo o le Atua ia te outou.
FIS, Luka 17:36–40 (faatusatusa i le Luka 17:37)
(Ua faamalamalama mai e Iesu se faataoto e uiga i le faapotopotoina o e amiotonu.)
36 Ma sa latou tali atu ma fai atu ia te ia, Le Alii e, o fea e ave i ai i latou?
37 Ma sa ia fetalai atu ia te i latou, o le mea o faapotopoto i ai le tino; pe, i ni isi upu, o le mea o faapotopoto i ai le au paia, o iina e faapotopoto faatasi i ai aeto; po, o iina e faapotopoto faatasi i ai o e totoe.
38 Na ia fetalai atu nei upu, e faailoa atu ai le faapotopotoina o lana au paia; ma agelu e ifoifo ma faapotopoto o e totoe ia te i latou; o le tasi mai le moega, o le isi mai le soligasaito, ma le isi mai le faatoaga, i soo se mea na te finagalo ai.
39 Aua e moni lava o le a i ai o lagi fou, ma se fogaeleele fou, lea e nonofo ai e amiotonu.
40 Ma e lē i ai iina se mea eleelea; aua e faasolo ina tuai le lalolagi, e pei lava o se ofu, ua faasolo ina pala, lea e mou ese ai, ma e tumau pea ona faapaiaina le tulagaaao, ua faamamāina ai agasala uma.