24 O lenei na ia taʼu atu ia te i latou nei mea, e uiga i le faaumatiaga o Ierusalema. Ona fesili atu ai lea o ona soo ia te ia, ua faapea atu, Le Matai e, ia faamatala mai ia i matou e uiga i lou afio mai?

25 Ma sa ia tali atu ia te i latou, ma faapea atu, I le tupulaga lea e faataunuuina ai taimi o Nuuese, o le a i ai faailoga i le la, ma le masina, ma fetū foi; ma o le a i ai i luga o le fogaeleele le atuatuvale o atunuu ma le faafatiatamai, e pei o le gogolo mai o le sami ma galu. E mapuitīgā foi le laueleele, ma vai i mea sili ona loloto;

26 E vaivai foi loto o tagata i le matatau, ma le tulimatai atu i na mea e oo mai i luga o le fogaeleele. Aua e lūlūina lava mana o le lagi.

32 E moni ou te fai atu ia te outou, o lenei tupulaga, le tupulaga lea pe a faataunuuina taimi o Nuuese, e lē mavae atu seia faataunuuina mea uma.