ARIT, Mareko 14:20–26. Kabotaua Mareko 14:22–25
Iesu e karaoa te toa bwa kauringan rabwatana ao raraana.
20 Ao ngke a tabe n amwarake, Iesu e ana te kariki ao e kakabwaia, ao e tatabeutaia, ao e anganiia, ao e taku, Anaia, ao kanna
21 Nooria, aio ae kam na karaoia bwa kanuringan rabwatau; bwa ni katoa te tai are kam karaoa aei kam na uringa te aoa aei are I raoni ngkami.
22 Ao e ana te mwangko, ao ngke e tia ni katituaraoi, e anganiia; ao a bane ni mooi mai iai.
23 Ao e taku nakoia, Aio bon kauringaan raraau are e kawawaeaki ibukia aika mwaiti, ao te kakoaua ae boou are I anga nakoimi; bwa kam na kakoaua ibukiu nakon te aonaba ni kabane.
24 Ao n aron mwaitin te tai are kam karaoa te otenanti aei, kam na uringai n te aoa aei are I raoni ngkami ao ni mooi ma ngkami man te mwangko aei, are te kabanea n tai n au mwakuri.
25 E koaua ae I tuangngkami, Kam na kakoaua ibukin aei; bwa N na aki manga mooi ni uaan te kai te kurebe ma ngkami, ni karokoa te bong arei are N na nima ae boou n abanuean te Atua.
26 Ao ngkai a bon nanokawaki, ao a tang ibukina.
ARIT, Mareko 14:36–38. Kabotaua Mareko 14:32–34
I Ketetemwane, naake Tengaun ma Uoman aki naba mataata raoi n nakoan Iesu ni Mesia.
36 Ao a roko n te tabo are e aranaki bwa Ketetemwane, are bon te onaroka; ao taan reirei a moanna n rangi ni miimi, ao a rangi n rawawata, ao a ngurengure i nanoia, ni iangoia ngkana aio bon te Mesia.
37 Ao Iesu ibukina bwa e ata nanoia, e taku nakoia ana taan reirei, Tekateka ikai, i nanon au tai n tataro.
38 Ao e kairia ma ngaia, Betero, ao Iakobo, ao Ioane, ao e boaia, ao e taku nakoia, Moan te rawawata tamneiu, ni karokoa naba te mate, kam na tataninga ikai ao taratara.