3 Kasi ntango batalaki, bamonaki ete libanga elongwaki, (mpo ezalaki monene mpenza) mpe banjelu mibale kofandaka likolo na yango, balataki bilamba ya mpembe ya molai; mpe bobangi ekangaki bango.

4 Kasi banjelu balobaki epayi na bango, Bobanga te; bozali koluka Yesu ya Nasalete, oyo babakaki na ekulusu; ye asili kosekwa; azali awa te; botala esika wapi balalisaki ye;

5 Mpe bokende, boyebisa bayekoli mpe Petelo, ete akende liboso na bino na Galilea; kuna nde bokomona ye lokola alobaki epayi na bino.

6 Mpe bango, kokotaka kati na lilita, bamonaki esika wapi balalisaki Yesu.