21 Toja’ naq ke’chal junjunq li winq rik’in a’an chixjitb’al, ut ke’xye, K’a’ut naq nakak’uleb’ laj maak, rik’in naq nakab’aanu aawib’ jo’ li Ralal li Dios.

22 A’ut a’an kixsumeheb’ ut kixye, Chi yaal ninye eere, Chixjunileb’ li maak li xe’xb’aanu li winq, naq neke’xjal xk’a’uxl, te’kuye’q chirixeb’; xb’aan naq laa’in kinchal re xjultikankil li jalb’a-k’a’uxlej reheb’ li ralal li winq.

23 Ut eb’ li majewank, yalaq paay li te’majewanq wi’, te’kuye’q chirixeb’ li neke’chal wik’in, ut neke’xb’aanu li k’anjel li nikine’ril chixb’aanunkil.

24 A’b’an wan jun li maak li ink’a’ taakuymanq. Li ani taamajewanq chirix li Santil Musiq’ej, maajo’q’e wan xkuyb’al; a’b’an tento tixxuwa naq yok’b’ilaq chaq sa’ li ruchich’och’. Ut te’reechani li junelik tojb’a-maak.

25 Ut a’in kixye reheb’ xb’aan naq ke’xye, Wan jun li tz’aj aj musiq’ej rik’in.