3 Ut ke’xk’ut rib’ laj Elias rochb’een laj Moises chiruheb’, malaj sa’ jalan chik aatin, laj Jwan aj Kub’sihom Ha’ ut laj Moises, ut yookeb’ chi aatinak rik’in li Jesus.

40 Jo’kan ut, wi laa wuq’ taarahob’tesinq aawe, toq chaq; malaj ut wi laa komon taarahob’tesinq aawe ut ink’a’ tixch’olob’ xmaak chi moko tixkanab’, a’an taa’isimanq chaq. Us wi’chik choq’ aawe naq tat-ok sa’ li yu’amej chi toqol aawuq’ chiru naq taawanq xkab’ichal laa wuq’ re tatxik sa’ xb’alb’a.

41 Xb’aan naq us wi’chik choq’ aawe naq tat-ok sa’ li yu’amej chi maak’a’ laa komon, chiru naq laa’at ut laa komon texkute’q sa’ xb’alb’a; sa’ li xam li maajo’q’e taachupmanq, b’ar wi’ ink’a’ nakam lix motzo’ileb’, ut ink’a’ nachup li xam.

42 Ut jo’kan wi’chik, wi laa woq taarahob’tesinq aawe, toq chaq; xb’aan naq li ani wan choq’ aj xaqab’anel aawe, li nakatb’eek wi’, wi na’ok choq’ aj q’etol aatin, taa’isimanq chaq.

43 Us wi’chik choq’ aawe, naq tat-ok sa’ li yu’amej chi yeeq aawoq, chiru naq taawanq xkab’ichal aawoq re tatkute’q sa’ xb’alb’a; sa’ li xam li maajo’q’e taachupmanq.

44 Jo’kan ut, li junjunq chi winq chixaqliiq malaj chit’ane’q xjunes rib’, ut moko sa’ xk’ab’a’ ta jalan; malaj mixkanab’ rib’ chiru jalan.

45 Chesik’ lin Yuwa’, ut taab’aanumanq sa’ li jun k’amok ajwi’ a’an li k’a’ru teetz’aama, wi neketz’aama rik’in paab’aal, chi nekepaab’ naq texk’uluq.

46 Ut wi lix sa’ aawu li na’ilok choq’ aawe, li ani xaqab’anb’il chak’aak’alenkil re xk’utb’al li saqen chawu, taa’ok choq’ aj q’etol aatin ut taarahob’tesinq aawe, mich’ chaq a’an.

47 Us wi’chik choq’ aawe naq tat-ok sa’ li rawa’b’ejihom li Dios, chi jun sa’ aawu, chiru naq taawanq xkab’ichal lix sa’ aawu re tatkute’q sa’ xxamlel xb’alb’a.

48 Xb’aan naq us wi’chik choq’ aawe naq tatkole’q, chiru naq tatkute’q sa’ xb’alb’a aawochb’een laa komon, b’ar wi’ ink’a’ nakam lix motzo’ileb’, ut b’ar wi’ ink’a’ nachup li xam.