25 Sa qai kaya ko Jisu vei iratou na nona tisaipeli, kevaka e dua na tamata sa via muri au, me cakitaki koya, ia me tomika cake na nona kauveilatai ka muri au.

26 Ia oqo me tomika cake na nona kauveilatai e dua na tamata, sai koya me cakitaka na veika kecega e sega ni vakalou, kei na gagano kecega vakavuravura, ka muria na noqu ivakaro.

27 Kakua ni voroka na noqu ivakaro mo dou maroroya kina na nomudou bula; ko koya ena maroroya na nona bula ena vuravura oqo, ena vakayalia ena vuravura sa bera mai.

28 Ia ko koya ena vakayalia na nona bula ena vuravura oqo, ena vukuqu, ena kunea ena vuravura sa bera mai.

29 O koya, mo dou laivi vuravura, ka maroroya na yalomudou; a cava na kena yaga vua na tamata, kevaka ena rawati vuravura taucoko, ka vakayalia na yalona? Se cava e rawa ni solia e dua na tamata me isosomi ni yalona?