VJS, Maciu 21:33. Veidutaitaka Maciu 21:32–33
Me veivutuni mada na tamata ni bera ni qai rawa ni vakabauta na Karisito.
33 Ni ko koya sa sega ni vakabauti Joni ena vukuqu, ena sega ni rawa ni vakabauti au, vakavo me veivutuni mada.
VJS, Maciu 21:47–56. Veidutaitaka Maciu 21:45–46
Sa kaya ko Jisu ni sai Koya na kena ivakadei ena tutu ni vale. Sa soli na kosipeli vei ira na Jiu ka qai muri vei ira na Veimatanitu Tani. Era na vakarusai na daucaka ca ni sa lesu mai ko Jisu.
47 Ni ra sa rogoca na bete iliuliu kei ira na Farisi na nona italanoa vakaibalebale, era nanuma ni sa vosa tiko me baleti ira.
48 Ka ra sa kaya ena kedra maliwa vakataki ira, Ena nanuma beka na tamata oqo ni na rawa ni vakacacana na matanitu oqo vakataki koya ga? Ka ra sa rarawataki koya sara.
49 Ia ni ra sa segata me ra tarai koya, era sa rerevaki ira na lewevuqa, baleta ni ra sa kila ni ra sa vakasama na lewevuqa ni sa parofita ko koya.
50 Era sa lako mai vua na nona tisaipeli, ka sa kaya vei ira ko Jisu, Dou marautaka beka na vosa ena italanoa vakaibalebale au sa tukuna vei ira?
51 Au sa kaya vakaidina vei kemudou, koi au na vatu, ka ra sa cati au ko ira na daucaka ca.
52 Koi au na kena ivakadei. Era na lutuki au ko ira na Jiu oqo ka ra na rusa.
53 Ka na kau tani mai vei ira na matanitu ni Kalou, ka na soli ki na dua na matanitu ena vuataka na vuana; (kena ibalebale ko ira na Matanitu Tani.)
54 Ia, ko ira kecega ena lutuka na vatu oqo, ena qaqi koya me vurumemea.
55 Ia ni sa lako mai na Turaga ni were-ni-vaini, ena vakarusai ira na tamata yalorarawa, ka daucaka ca oqori, ka lisitaka tale na nona loganivaini vei ira na dauteitei, io ena veisiga e muri, ka na solia vei ira na vuana ena kena gauna.
56 Ia era sa qai kila na italanoa vakaibalebale a tukuna vei ira ko koya, ni dodonu me ra vakarusai talega na kai Matanitu Tani, ni sa siro sobu mai lomalagi na Turaga me lewa na nona were-ni-vaini, sai koya na vuravura kei ira na lewena.