JJS, Mateo 16:25–29. Chi’ilmanq sa’ Mateo 16:24–26
Li Jesus naxk’ut k’a’ru xyaalalil li aatin “xpaqonkil li krus”: a’an xtz’eqtaanankil chirix chixjunil li maa’usilal, ut li junjunq chi ruchich’och’il atawom, ut xpaab’ankileb’ lix taqlahom li Dios.
25 Toja’ naq li Jesus kixye reheb’ lix tzolom, Wi ani junaq chi winq taaraj chalk chiwix, mixra rib’, ut chixpaqo lix krus ut chinixtaaqe.
26 Anajwan ut naq jun winq tixpaqo lix krus, a’an naq tixtz’eqtaana chirix chixjunil li maa’usilal, ut li junjunq chi ruchich’och’il atawom, ut tixpaab’ lin taqlahom.
27 Meeq’et lin taqlahom re xkolb’al lee yu’am; xb’aan naq li ani tixkol xyu’am sa’ li ruchich’och’ a’in, taasachq chiru sa’ li ruchich’och’ chalel.
28 Ut li ani tixsach xyu’am sa’ li ruchich’och’ a’in, choq’ we laa’in, tixtaw sa’ li ruchich’och’ chalel.
29 Jo’kan ut, kanab’omaq li ruchich’och’, ut kolomaq lee raam; xb’aan naq k’a’ru tixra wi’ jun li winq, wi taareechani chixjunil li ruchich’och’, a’ut tixsach li raam? Malaj k’a’ru tixk’e jun li winq jo’ reeqaj lix yu’am?