1 Sa qai kauti Jisu na Yalo, ki na lekutu, me tiko vata kei na Kalou.

5 Sa qai kau ko Jisu ki na koro tabu, ka vakatikori koya na Yalo ena delavuvu ni valetabu.

6 Sa qai lako mai vua na tevoro ka kaya, Kevaka ko sa Luve ni Kalou, mo rika sobu, ni sa volai, Ni na vakaroti ira na nona agilosi ko Koya ena vukumu, ia ena ligadra era na keveti iko cake kina, de dua na siga sa tavutu kina na yavamu ki na vatu.

8 Ka sa tiko vata tale kei Jisu na Yalo, a sa kauti koya cake ki na dua na ulunivanua cecere sara, ka vakaraitaka vua na veimatanitu kecega e vuravura kei na kedra lagilagi.

9 Sa lako tale mai vua na tevoro, ka kaya, a ka kecega oqo kau na solia vei iko, kevaka ko na lolou sobu ka qaravi au.

11 Ia oqo sa kila ko Jisu ni sa biu ki valeniveivesu ko Joni, ka sa talai ira yani na agilosi, ia, raica, era sa lako yani ka qaravi koya.

18 Ka sa kaya vei ira, sai au era sa vola kina na parofita; muri au mai, kau na qai qisi kemudou mo dou gonedau ni tamata.

22 Sa veilakoyaki voli ko Jisu mai Kalili raraba ka veivakavulici ena nodra valenilotu, ka vunautaka na kosipeli ni matanitu; ka vakabulai ira ena tauvimate kecega, kei na mate veitauvi kecega ena kedra maliwa na tamata era sa vakabauta na yacana.