1 Ribwebwe ar ba ilo būruōn, Ejjeļo̧k armej en em̧ōj an lo Anij. Kōnke E ej jab kwaļo̧k E n̄an kōj, kōn menin ejjeļo̧k Anij. Lo, er raankeke; rekar kōm̧m̧ani jerbal ko rekajjōjō, im ejjeļo̧k iaer eaar kōm̧m̧an em̧m̧an.

2 Bwe Irooj ar reilaļļo̧k jān lan̄ ioon ro nejin armej raņ, im jān Ainikien eaar ba n̄an eo karejeran, Kom̧in kappukot ilubwiljin ro nejin armej raņ, n̄an lale eļan̄n̄e ewōr jabdewōt ro im remeļeļe Anij. Im eaar kōpeļļo̧k lo̧n̄iin n̄an Irooj, im ba, Lo, aolep rein ro rej ba rej Am.

3 Im Irooj eaar uwaak, im ba, Rekar aolep jako ilo jebwābwe, er aolep rej ettoon, kwo maron̄ lo bwe ejjeļo̧k iaer rej kōm̧m̧an em̧m̧an, jaab, ejjeļo̧k juon.

4 Aolep ewōr ippāer n̄an rikaki ro aer rej rijerbal ro in nana, im ejjeļo̧k jeļāļo̧kjeņ ilo er. Er rej ro rej kan̄ ro doō. Rej m̧ōn̄ā pilawā im jab kūr ioon Irooj.

5 Er rej pād ilo lōļn̄o̧n̄ eļap, bwe Anij ej jokwe ilo epepen eo an ro rewānōk. E ej naan in kapilōk eo an rijeram̧ōl, kōnke rej jook kōn ro renana, im ko n̄an Irooj, bwe en aer likōpejn̄ak.

6 Rej jook kōn naan in kapilōk an eo ejeram̧ōl kōnke Irooj ej an likōpejn̄ak.

7 O bwe Zaion en kar jutak jān lan̄, lo̧mo̧o̧r eo an Israel. O Irooj, n̄āāt Kwo naaj kajutak Zaion? N̄e Irooj ej bar bōkļo̧k ineen kōm̧akoko an armej ro An, Jekab enaaj lan̄lōn̄, Israel enaaj m̧ōņōņō.