ປຈສ, ພຣະນິມິດ 1:1–8. ປຽບທຽບໃສ່ກັບ ພຣະນິມິດ 1:1–8
ອັກຄະສາວົກໂຢຮັນໄດ້ຮັບການທຳນາຍໃນໜັງສືພຣະນິມິດ. ພຣະເຢຊູຄຣິດ ແລະ ທູດອົງໜຶ່ງ ໄດ້ມາຢ້ຽມຢາມເພິ່ນ.
1 ພຣະນິມິດຂອງໂຢຮັນ, ຜູ້ຮັບໃຊ້ຂອງພຣະເຈົ້າ, ຊຶ່ງພຣະເຢຊູຄຣິດໄດ້ປະທານໃຫ້ແກ່ເພິ່ນ, ເພື່ອສະແດງໃຫ້ບັນດາຜູ້ຮັບໃຊ້ຂອງພຣະອົງຮູ້ເຖິງສິ່ງທີ່ຈະເກີດຂຶ້ນໃນບໍ່ຊ້ານັ້ນ, ຊຶ່ງພຣະອົງໄດ້ສົ່ງທູດຂອງພຣະອົງໄປສະແດງໝາຍສຳຄັນແກ່ໂຢຮັນ,
2 ຜູ້ໄດ້ເປັນພະຍານເຖິງພຣະຄຳຂອງພຣະເຈົ້າ, ແລະ ກ່ຽວກັບປະຈັກພະຍານເຖິງພຣະເຢຊູຄຣິດ, ແລະ ກ່ຽວກັບທຸກສິ່ງທັງປວງທີ່ເພິ່ນໄດ້ເຫັນ.
3 ຜູ້ທີ່ໄດ້ອ່ານກໍເປັນສຸກແລ້ວ, ແລະ ຜູ້ທີ່ໄດ້ຍິນ ແລະ ເຂົ້າໃຈຖ້ອຍຄຳແຫ່ງຄຳທຳນາຍນີ້, ແລະ ປະຕິບັດຕາມຂໍ້ຄວາມທີ່ມີຂຽນໄວ້, ເພາະເວລາແຫ່ງການສະເດັດມາຂອງພຣະຜູ້ເປັນເຈົ້າ ກໍໃກ້ເຂົ້າມາແລ້ວ.
4 ບັດນີ້ ນີ້ແມ່ນປະຈັກພະຍານຂອງໂຢຮັນຕໍ່ຜູ້ຮັບໃຊ້ເຈັດຄົນ ທີ່ດູແລສາດສະໜາຈັກທັງເຈັດຢູ່ໃນແຂວງເອເຊຍ. ຂໍໃຫ້ພຣະຄຸນມາສູ່ທ່ານ, ແລະ ສັນຕິສຸກຈາກພຣະອົງຜູ້ດຳລົງຢູ່, ແລະ ຜູ້ດຳລົງຢູ່ມາແລ້ວ, ແລະ ຜູ້ຈະສະເດັດມາ; ຜູ້ໄດ້ສົ່ງທູດຂອງພຣະອົງມາຈາກພຣະທີ່ນັ່ງຂອງພຣະອົງ, ເພື່ອເປັນພະຍານແກ່ຜູ້ຮັບໃຊ້ເຈັດຄົນເຫລົ່ານັ້ນ ທີ່ດູແລສາດສະໜາຈັກທັງເຈັດ.
5 ສະນັ້ນ, ເຮົາ, ໂຢຮັນ, ພະຍານທີ່ຊື່ສັດ, ຈຶ່ງເປັນພະຍານເຖິງສິ່ງທີ່ໄດ້ທູດໄດ້ນຳມາໃຫ້ເຮົາ, ແລະ ຈາກພຣະເຢຊູຄຣິດ ຊຶ່ງເປັນຜູ້ທຳອິດທີ່ໄດ້ເປັນຄືນມາຈາກຕາຍ, ກັບທັງຄອບຄອງກະສັດທັງຫລາຍໃນໂລກ.
6 ແລະ ຕໍ່ພຣະອົງທີ່ຮັກເຮົາ, ພຣະກຽດຈົ່ງມີແດ່ພຣະອົງ; ຜູ້ໄດ້ຊຳລະລ້າງເຮົາຈາກການຜິດບາບ ດ້ວຍໂລຫິດຂອງພຣະອົງເອງ, ແລະ ໄດ້ຕັ້ງເຮົາທັງຫລາຍ ໄວ້ໃຫ້ເປັນອານາຈັກ ແລະ ເປັນປະໂລຫິດຂອງພຣະເຈົ້າ, ພຣະບິດາຂອງພຣະອົງ. ພຣະກຽດ ແລະ ລິດທານຸພາບ ຈົ່ງມີແດ່ພຣະອົງສືບໆໄປເປັນນິດ. ອາແມນ.
7 ເພາະຈົ່ງເບິ່ງ, ພຣະອົງຈະສະເດັດມາໃນກ້ອນເມກ ພ້ອມດ້ວຍໄພ່ພົນຂອງພຣະອົງ ຫລາຍໜຶ່ງໝື່ນຄົນ ທີ່ຢູ່ໃນອານາຈັກ, ຮຸ່ງເຫລື້ອມດ້ວຍລັດສະໝີພາບຂອງພຣະບິດາຂອງພຣະອົງ. ແລະ ຕາທຸກໜ່ວຍຈະເຫັນພຣະອົງ; ແລະ ຄົນເຫລົ່ານັ້ນທີ່ໄດ້ແທງພຣະອົງ, ແລະ ມະນຸດທຸກຊາດທົ່ວໂລກຈະຮ້ອງໄຫ້ຮ່ຳໄຮເພາະພຣະອົງ. ຈະເປັນໄປຢ່າງນັ້ນ, ອາແມນ.
8 ເພາະພຣະອົງໄດ້ກ່າວວ່າ, ເຮົາຄືອາລະຟາ ແລະ ໂອເມຄາ, ເປັນຕົ້ນ ແລະ ທີ່ສຸດ, ເປັນພຣະຜູ້ເປັນເຈົ້າ, ຜູ້ດຳລົງຢູ່ໃນປະຈຸບັນ, ແລະ ຜູ້ດຳລົງຢູ່ໃນອະດີດ, ແລະ ຜູ້ຈະສະເດັດມາໃນອະນາຄົດ, ຜູ້ຊົງລິດທານຸພາບສູງສຸດ.