JJS, Apokalipsis 2:22. Chi’ilmanq sa’ Apokalipsis 2:22
Eb’ laj maak neke’kute’q sa’ xb’alb’a.
22 K’ehomaq reetal, laa’in tinkut sa’ xb’alb’a, ut eb’ li neke’muxuk sumsu rik’in sa’ li nimla rahilal, wi ink’a’ te’xjal xk’a’uxl chirix lix b’aanuhomeb’.
JJS, Apokalipsis 2:26–27. Chi’ilmanq sa’ Apokalipsis 2:26–27
Eb’ li ani neke’numta sa’ xb’een li ruchich’och’ rik’in ab’ink chiruheb’ lix taqlahom li Kristo te’xjolomiheb’ li awa’b’ejihom sa’ li ruchich’och’ li toj taachalq rik’in paab’aal, juntaq’eetalil, ut tiik ruhil na’leb’.
26 Ut re li ani naq’axok-u, ut li naxpaab’eb’ lin taqlahom toj sa’ roso’jik, tink’e wankilal sa’ xb’eeneb’ k’iila awa’b’ejihom;
27 Ut a’an taataqlanq sa’ xb’eeneb’ rik’in li raatin li Dios; ut te’wanq sa’ ruq’ jo’eb’ li k’uleb’aal re meelb’ sa’ ruq’ laj pak’onel; ut a’an tixjolomiheb’ rik’in paab’aal, rik’in juntaq’eetalil ut tiik ruhil na’leb’, jo’ chanru ajwi’ naq laa’in xink’ul rik’in lin Yuwa’.