5 Be sapos yumi stap gohed blong mekem fasin we i no stret mo i no gud, mo semtaem presem stret mo gud fasin blong God, ?olsem wanem nao bae yumi save stanap mo talem se: “God i no wan stret mo gud man taem hem i givim panis long man?” (Mi toktok olsem wan man we i stap fraet long God.)

6 Yumi no gat raet blong tok olsem. Sapos i olsem, ?bae olsem wanem nao God i jajem wol?

7 From se sapos trutok blong God i karem frut tru long giaman blong mi, (olsem we Ol Man Jiu oli stap talem,) blong God i gat glori, ?from wanem nao oli jajem mi se mi man blong mekem sin? ?from wanem oli no akseptem mi? From se oli tokbaot yumi nogud finis;

8 Mo oli talem se yumi (we i stret blong yumi no save kam antap samtaem), yumi stap talem se: “I gud yumi stap mekem ol rabis fasin blong bambae i gat ol gudgudfala frut blong hem.” Be hemia i giaman tok.