¶ 1 FANOGO ki he lea ni, oku ou ai kiate kimoutolu, i he tagilāulāu, e fale o Isileli.

2 Kuo higa ae taahine a Isileli, e ikai te ne toe tuu; kuo liaki ia i hono fonua; oku ikai ha taha ke toe fokotuu ia.

3 He oku behe e Jihova, koe Otua; Koe kolo nae alu ai ae toko taha afe, e toe be ae toko teau, bea koia nae alu ai ae toko teau, e toe be ae toko hogofulu, ki he fale o Isileli.

¶ 4 Bea oku behe e Jihova ki he fale o Isileli, Kumi kiate au, bea te mou moui:

5 Kae oua naa kumi a Beteli, be hu ki Kilikali bea oua naa laka ki Beasiba: koeuhi e alu mooni a Kilikali ke bobula, bea e hoko a Beteli koe mea noabe.

6 Kumi kia Jihova, bea te mou moui; telia naa ba mai ia, hage koe afi i he fale o Josefa, bea ne keina ia, kae ikai ha taha i Beteli ke fuifui ia.

7 Ko kimoutolu oku liliu ae fakamāu koe akau kona, bea mou tuku ae agatonu i he fonua,

8  Kumi ia naa ne gaohi ae fetuu e fitu mo Olioni, bea oku ne liliu ae ata oe mate koe bogibogi, bea ne gaohi ae aho ke bouli i he bo: bea oku ne ui ae gaahi vai oe tahi, bea ne liligi ia ki he fuga oe fonua: Ko Jihova hono huafa:

9 Oku ne fakamalohi ae vetekina ki he malohi, koeuhi ke tau‘i e he vetekina ae kolo.

10 Oku nau fehia kiate ia oku fai ae valoki i he mataba, bea oku nau fākalilia kiate ia oku lea i he agatonu.

11 Koeuhi koe mea i hoo mou malaki‘i ae kakai majiva, bea oku mou too meiate ia ae gaahi kavega uite: kuo mou laga ae gaahi fale aki ae maka kuo ta, ka e ikai te mou nofo ai; kuo mou to ae gaahi goue vaine matamatalelei, ka e ikai te mou inu uaine mei ai.

12 He oku ou ilo hoo mou gaahi talagataa lahi, bea mo hoo mou fugani agahala: oku nau fakamamahi‘i ae agatonu, oku nau ma‘u tukugoue, bea oku nau fakateketeke atu ae kakai majiva i he mataba.

13 Koia e logo ai ae fakabotoboto i he kuoga koia; he koe kuoga kovi.

14 Kumi ae lelei, kae ikai koe kovi, koeuhi ke mou moui: koia, ko Jihova koe Otua oe gaahi toko lahi, te ne iate kimoutolu, o hage ko hoo mou lea.

15 Fehia ki he kovi, bea ofa ki he lelei, bea fokotuu mau ae fakamāu i he mataba; hei ilo be e aloofa a Jihova, koe Otua oe gaahi kau tau, ki he toega o Josefa.

16 Koia ko Jihova koe Otua oe gaahi kau tau, koe Eiki, oku behe, E i ai ae tagi i he gaahi hala kotoabe; bea te nau behe i he gaahi hala motua kotoabe, Oiaue! oiaue! bea te nau ui ae tagata goue ki he tagi, bea mo kinautolu oku boto i he tagilāulāu ke fai ae tagi.

17 Bea e i ai ae tagi i he goue vaine kotoabe: he teu laka mai iate koe, oku behe e Jihova.

18 Malaia kiate kimoutolu oku holi ki he aho o Jihova! he koe umaa ia kiate kimoutolu? koe aho o Jihova kuo bouli, kae ikai māma.

19 Hage koe tagata oku hola mei he laione, bea oku ne fakafetaulaki mo ha beaa; be ko ha taha ne hu ki fale, bea ne faaki hono nima ki he holiji, ka nae uuji ia e ha gata.

20 Ikai e bouli ae aho o Jihova, bea ikai māma? io, koe bouli aubito, ka e ikai i ai ha māma jii ke ulo?

¶ 21 Oku ou fehia, oku ou fakalilia ki ho mou gaahi aho katoaga, bea e ikai teu nanamu ki hoo mou gaahi fakataha mamafa.

22 Ne ogo oku mou hifo aki ae gaahi feilaulau tutu moe gaahi feilaulau meakai, e ikai teu ma‘u ia: bea e ikai teu tokaga‘i ae gaahi feilaulau fakalelei o hoo mou faga manu jino.

23 Hiki ke mamao iate au ae logoaa o hoo mou hiva; he e ikai teu fanogo ki he malie o hoo mou gaahi mea faiva.

24 Ka e tuku ae fakamāu ke tafe hage koe vai, bea moe agatonu hage koe vaitafe malohi.

25 Kuo mou hifo aki ae gaahi feilaulau moe gaahi hifo kiate au, i he ta‘u e fagofulu i he toafa, e fale o Isileli?

26 Ka kuo mou fua ae fale fehikitaki o ho mou Moloke mo Kiuni, ko hoo mou ogo tamabua, koe fetuu o ho mou otua, aia naa mou gaohi mo omoutolu.

27 Koia teu bule ke mou alu bobula kitua Tamasikusi: oku behe a Jihova, aia ko hono huafa, Koe Otua oe gaahi kau tau.