¶ 1 MALAIA kiate kinautolu oku fakafiemalie kovi i Saione, bea oku falala ki he mouga o Samelia, oku ui koe tuu kimua i he gaahi buleaga, aia nae ha‘u ki ai ae fale o Isileli!

2 Laka koe ki Kaline, bea vakai: bea alu mei ai ki Hamati lahi: bea toki alu hifo ki Kati oe kakai Filisitia: oku nau lelei lahi koa i he gaahi buleaga ni? be oku lahi hake ho nau mata fonua, i ho mou mata fonua?

3 Ko kimoutolu oku tuku mamao atu ae aho kovi, bea oku bule ke unuunu mai ae nofoa oe fakamalohi;

4 Bea oku tokoto i he gaahi mohega lei, bea oku fakatokoto ekinautolu i he gaahi tokotoaga, bea oku kai ae faga lami mei he faga manu, bea moe uhiki bulu mei he fale manu;

5 Bea oku hivehiva ki he le‘o oe mea faiva, bea oku filioi ke gaohi ma anautolu ae gaahi mea faiva ke hiva aki, hage ko Tevita;

6 Bea oku inu uaine mei he gaahi ibu, bea oku tākai akinautolu aki ae lolo mahuiga: ka oku ikai te nau mamahi i he tuutamaki a Josefa.

¶ 7 Koia te nau alu ke bobula moe kakai oku tomua alu ki he bobula, bea koe katoaga kai anautolu nae fakatokoto e fetuku.

8 Kuo fuakava a Jihova i he ene afio, Oku behe e Jihova, koe Otua oe gaahi kau tau, oku ou fehia ki he lelei o Jekobe, bea fākalilia ki hono gaahi fale fakaeieiki; koia teu tukuage ae kolo mo ia kotoabe oku i ai.

9 Bea e behe, ka ai ha kau tagata e toko hogofulu kuo tuku i he fale e taha, te nau mate.

10 E too ae tagata e he ene tuajina, bea mo ia ne tutu ia, ke omi ae gaahi hui mei he fale, bea te ne behe kiate ia oku i he vee fale, Oku ai ha taha mo koe? bea te ne behe, Ikai. Bea te ne toki behe, Oua te ke lea: he oku tabu ke takua ae huafa o Jihova.

11 Koeuhi, vakai, oku fekau e Jihova, bea te ne ta‘i ae fale lahi ke avaava, bea moe fale jii ke mafahifahi.

¶ 12 E lele koa ae faga hose i he fuga maka? e ai ha taha te ne toho huo ai aki ae faga bulu? he kuo mou liliu ae fakamāu koe ahu, bea koe fua oe agatonu koe hemiloki:

13 Akimoutolu oku fiefia i he mea noabe, bea lea behe, Ikai kuo tau ma‘u ae nifo i ho tau malohi be?

14 Ka oku behe e Jihova, koe Otua oe gaahi kau tau, Vakai; teu fokotuu kiate kimoutolu ha buleaga, e fale o Isileli; bea te nau fakamamahi akimoutolu mei he huaga ki Hamati o a‘u ki he vaitafe oe toafa.