¶ 1 OKU behe hono fakaha mai kiate au e he Eiki koe Otua; bea vakai, naa ne gaohi ae gaahi hee i he kāmataga oe tubu hake ae ta‘u toka mui; bea, vakai, koe toka mui ia hili ae tuuji ma ae tu‘i.

2 Bea nae hoko, hili e nau kai o oji ae mohuku oe fonua, bea neu behe, E Jihova koe Otua, oku ou kole kiate koe, ke ke fakamolemole: e toe tuu a Jekobe i ahai? he oku jii ia.

3 Nae fakatomala a Jihova i he mea ni: oku behe e Jihova, E ikai hoko ia.

¶ 4 Oku behe hono fakaha mai kiate au e he Eiki koe Otua; bea, vakai, nae ui e he Eiki koe Otua ke tau aki ae afi, bea naa ne kai ae moana lahi, bea ne folo ae vahe e taha?

5 Bea naaku toki behe, E Jihova koe Otua, oku ou kole kiate koe ke tukuā: e toetuu a Jekobe i ahai? he oku jii ia.

6 Nae fakatomala a Jihova i he mea ni: oku behe e he Eiki koe Otua, E ikai hoko eni foki.

¶ 7 Nae behe ene fakaha mai ia kiate au: bea, vakai, nae tuu ae Eiki i he fukahi a nae gaohi ki he afo fuofua, bea nae ai ae afo fuofua i hono nima.

8 Bea nae behe e Jihova kiate au, Amosi, koeha oku ke mamata ai? Bea naaku behe, Koe afo fuofua. Bea ne behe e he Eiki, Vakai, teu ai ae afo fuofua ki he lotolotoga o hoku kakai ko Isileli: ikai teu toe laka iate kinautolu:

9 Bea e lala ae gaahi botu maoluga o Aisake, bea e gaogao ae gaahi fale lotu o Isileli; bea teu tuu hake moe heleta ki he fale o Jeloboami.

¶ 10 Bea ne toki fekau e Amasia koe taulaeiki i Beteli, kia Jeloboami koe tu‘i o Isileli, o behe, Kuo agatuu a Amosi kiate koe i he lotolotoga oe fale o Isileli: e ikai faa kataki e he fonua a ene gaahi lea kotoabe.

11 Koeuhi oku behe e Amosi, E mate a Jeloboami i he heleta, bea koe mooni e taki bobula a Isileli mei ho nau fonua onautolu.

12 Bea ne behe foki a Amasia kia Amosi, Akoe oku mamata mea, alu, buna atu ki he fonua o Juta, bea kai ai ae ma, mo kikite ai:

13 Kae oua naa toe kikite i Beteli: he koe fale lotu ia oe tu‘i, bea koe nofoaga oe tu‘i.

¶ 14 Bea nae tali e Amosi, o ne behe kia Amasia, Nae ikai koe balofita au, be koe foha o ha balofita; koe tagata tauhi manu au, bea koe tanaki  au oe fua oe sukamino:

15 Bea nae ave au e Jihova i he eku muimui ki he faga manu, bea nae behe e Jihova kiate au, Alu, o kikite ki hoku kakai ko Isileli.

¶ 16 Bea koeni, fanogo koe ki he folofola a Jihova: Oku ke behe, Oua naa kikite ki Isileli, bea oua naa to  hoo lea ki he fale o Aisake.

17 Koia oku behe e Jihova; E hoko ho unoho koe fefine feauaki i he kolo, bea ko ho gaahi foha mo ho gaahi ofefine, e to i he heleta, bea e vahevahe ho fonua aki ae afo; bea te ke mate i ha fonua bani uli: bea e alu mooni a Isileli mei hono fonua ki he bobula.