¶ 1 OKU behe hono fakaha mai kiate au e he Eiki koe Otua: bea vakai, koe koto fua‘i akau oe faahita‘u mafana.

2 Bea naa ne behe, Amosi, koeha oku ke mamata ai? beau behe, Koe koto fua‘i akau oe faahitau mafana. Bea nae behe e Jihova kiate au, Kuo hoko hono gataaga ki hoku kakai ko Isileli; e ikai teu toe laka iate kinautolu.

3 Oku behe e Jihova koe Otua, e hoko ae gaahi hiva oe fale tabu, koe tagi fakaloloa i he aho koia: e lahi ae agaaga i he botu kotoabe; e li akinautolu kitua i he fakalogobe.

¶ 4 Fanogo eni, akimoutolu oku folo hifo ae baea, io, ke fakaoji ae kakai majiva mei he fonua.

5 O behe, E oji afe ae mahina foou, ka tau fakatau koane? bea moe aho tabu, ka tau vakili ae uite, o fakajiijii ae efa, bea fakalahi ae sikeli, bea fakakehe ae mea fua tautau i he kākā?

6 Bea ke tau fakatau ae kakai majiva aki ae siliva, bea moe baea aki ha tobuva‘e: bea ke fakatau ae uite kovi?

7 Kuo fuakava aki e Jihova ae lelei o Jekobe, Koe mooni e ikai galo iate au e nau gaahi gaue o lauikuoga.

8 Ikai e tetetete ae fonua koeuhi ko eni, bea taki taha tagi aia oku nofo i ai? bea e tubu katoa ia o hage koe lomaki; bea e li ia ki tua o melemo, hage koe malofa i Ijibite.

9 Oku behe e Jihova koe Otua, e hoko i he aho koia, teu bule ke to ae laa i he hoatamalie, bea teu fakabouli‘i a mamani i he kei aho aubito:

10 Bea teu liliu hoo mou gaahi katoaga koe tagi, bea mo hoo mou hiva kotoabe ki he tagilāulāu; bea teu omi ae tauagaa ki ho mou kogaloto kotoabe, bea e tekefua ae ulu kotoabe; bea teu gaohi ia ke hage koe tagi koeuhi koe bele be taha, bea ko hono gataaga ke hage koe aho oe mamahi kona.

11 Vakai, oku hoko ae gaahi aho, oku behe e Jihova koe Otua, aia teu fekau ae hoge ki he fonua, kae ikai koe hoge ma, be koe fieinu vai, ka koe fanogo ki he gaahi folofola a Jihova:

12 Bea te nau auhe mei he tahi ki he tahi, bea mei he tokelau ki hahake, te nau lele fano be ke kumi ae folofola a Jihova, ka e ikai te nau ilo ia.

13 I he aho koia e bogia ae kau taahine hoihoifua moe kau talavou i he fieinu.

14 Ko kinautolu oku fuakava ki he agahala a Samelia, bea lea behe, Oku moui ho otua, e Tani; bea koe aga o Beasiba oku moui; te nau to, bea e ikai te nau toetuu o lauikuoga.