¶ 1 NAAKU mamata kia Jihova nae afio mei he feilaulauaga: bea naa ne behe, Ta‘i ae aku fakalava oe mataba, kae lulululu hono bou; bea ta‘i akinautolu kotoabe i ho nau ulu; bea teu tamate‘i ae tomui okinautolu aki ae heleta: koia oku hola e ikai te ne hao, bea koia oku hao e ikai fakamoui ia.

2 Ne ogo oku nau keli hifo ki heli, e ma‘u akinautolu mei ai e hoku nima; ne ogo oku nau kaka hake ki he lagi, teu omi akinautolu ki lalo:

3 Ne ogo oku nau fufu akinautolu i he fuga o Kameli, teu kumi bea ave akinautolu mei ai; bea ne ogo oku nau fufu mei hoku ao i he kiliji tahi, teu fekau mei ai ae gata, bea te ne uuji akinautolu:

4 Bea ne ogo oku nau alu bobula i he ao o ho nau gaahi fili, teu fekau mei ai ae heleta, bea te ne tamate‘i akinautolu: bea teu haga hoku fofoga kiate kinautolu ke kovi, bea ikai ke lelei.

5 Bea koe Eiki, koe Otua oe gaahi kau tau, koia ia oku ala ki he fonua, bea e vai ia, bea ko kinautolu oku nofo ai te nau tagi; bea e tubu ia hage ha lomaki: bea e melemo hifo, hage koe malofa i Ijibite.

6 Koia ia oku laga hono gaahi fale fata i he lagi, bea kuo tanaki ene kau tau i mamani; aia oku ne ui ae gaahi vai oe tahi, bea ne huai ia i he fuga oe fonua: ko Jihova hono huafa.

7 Oku behe e Jihova, Ikai oku mou hage koe fānau ae kakai Itiobea kiate au, E fānau a Isileli? Ikai naaku omi a Isileli mei he fonua ko Ijibite? bea moe Filisitia mei Kafitoli, bea moe kau Silia mei Kili?

8 Vakai, koe fofoga oe Eiki koe Otua, oku i he buleaga agahala, bea teu fakaauha ia mei he fuga fonua; ka e ikai auha aubito ae fale o Jekobe, oku behe e Jihova.

9 Koeuhi, vakai, teu fakataga ae fale o Isileli i he gaahi buleaga, hage oku fakataga ae koane i he mea fakataga, ka e ikai to ha fo‘i tega ki he kelekele.

10 E mate i he heleta ae kau agahala kotoabe a hoku kakai, oku lea behe, E ikai moua be taofi akitautolu e he kovi.

11 I he aho koia teu toe laga ae fale fehikitaki o Tevita aia kuo higa, bea tabuni ae gaahi ava oia; bea teu toe fokotuu ae gaahi mea kuo holoki, bea teu laga‘i ia o hage koe gaahi aho i mua:

12 Koeuhi ke nau ma‘u ae toega o Itomi, bea moe hiteni kotoabe, oku ui aki hoku huafa: oku behe e Jihova, aia oku fai eni:

13 Vakai, oku behe e Jihova, oku hoko ae gaahi aho, e mau atu e he tagata tauhi huo toho ae tagata tuuji, bea koia oku malaki ae kalebi, aia oku tūtū‘i ae tega; bea e to‘i‘i ae uaine melie e he gaahi mouga, bea e vai ae gaahi tafugofuga kotoabe:

14 Bea teu toe omi ae bobula o hoku kakai ko Isileli, bea te nau toe laga ae kolo nae lala, bea nofo ai; bea te nau to goue vaine, bea inu ae uaine oia; te nau goue foki, bea kai hono fua.

15 Bea teu to akinautolu i ho nau fonua, bea e ikai toe taaki akinautolu mei he fonua, aia kuou foaki kiate kinautolu, oku behe e Jihova ko ho Otua.