¶ 1 BEA ko au foki i he uluaki ta‘u o Talaiasi koe Mitia, io, ko au, naaku tuu hake ke fakatuumau mo tokoni kiate ia.

2 Bea koeni, teu fakaha kiate koe ae mooni. Vakai, e toe tuu hake i Beasia, ae tu‘i e toko tolu; bea ko hono fa e koloaia lahi hake iate kinautolu kotoabe: bea koe mea i he ene malohi koeuhi ko ene koloa, te ne ue‘i kotoabe ke tali tuu ki he buleaga o Kalisi.

3 Bea e tuu hake ha tu‘i malohi, aia e bule aki ae bule lahi, bea ne fai o fakatatau mo hono loto.

4 Bea oka ne tuu hake ia e mafeji hono buleaga, bea e movetevete ia ki he feituu matagi e fa oe lagi, ka e ikai ki hono hako, bea e ikai tatau ia mo hono buleaga, aia naa ne bule‘i: he koeuhi e taaki hono buleaga, koeuhi koe niihi kehe, ka e ikai koeuhi ko kinautolu be.

¶ 5 Bea e malohi ae tu‘i mei he botu toga, moe toko taha i hono houeiki; bea e malohi hake ia iate ia, bea e ma‘u eia ae bule; bea ko ene bule e hoko koe bule lahi.

6 Bea i he gataaga oe gaahi ta‘u te nau fakataha akinautolu: he koe ofefine oe tu‘i oe botu toga, e ha‘u ia ki he tu‘i oe botu tokelau, ke fai ha fuakava mo ia: ka e ikai mau kiate ia ae malohi oe nima; bea e ikai tuu mau ia, aia be ko hono nima: ka e tukuage ae fefine, mo kinautolu naa nau omi mo ia, mo ia naa ne tubu ai, bea mo ia nae tokoni ki ai i he gaahi kuoga koia.

7 Ka e tubu hake mei hono maga‘i aka e taha ha toko taha i hono tofia, aia e hoko mai moe kau tau, bea e hu ia ki he kolo oe tu‘i oe botu tokelau, bea te nau fai mo ia, bea te ne ikuna:

8 Bea e ave bobula foki ki Ijibite, a ho nau gaahi otua, bea mo ho nau houeiki, bea moe nau gaahi ibu mahuiga, koe siliva moe koula; bea e lahi hono ta‘u oona, i he tu‘i oe botu tokelau.

9 Koia e ha‘u ae tu‘i oe botu toga ki hono buleaga, bea toki foki atu ki hono fonua oona.

10 Ka e ue‘i ai hono gaahi foha, bea te nau tanaki ae fuu kau tau toko lahi; bea ko ho nau toko taha e ha‘u mooni ia o kabui, mo alu atu: bea e toki foki mai ia, bea e toe hiki eia ae tau, o a‘u ki he ene kolo.

11 Bea e gau‘e ae tu‘i oe botu toga i he tubutamaki kiate ia, bea e ha‘u ia o tau mo ia, io, moe tu‘i oe botu tokelau; bea e fokotuu eia ae fuu toko lahi kiate ia, ka e tuku ae fuu toko lahi ki hono nima.

12 Bea oka ne ka fetuku atu ae fuu toko lahi, e fakahikihiki hono loto; bea te ne li ki lalo ae gaahi toko mano lahi: ka e ikai te ne malohi ai.

13 He koeuhi e toe ha‘u ae tu‘i oe botu tokelau, bea te ne omi moe fuu toko lahi, o lahi hake i he uluaki, oku bau be ke toe hoko mai ia moe fuu kau tau, bea moe koloa lahi, oka hili ae gaahi ta‘u.

14 Bea i he gaahi kuoga koia e tuu hake ae toko lahi ki he tu‘i oe botu toga: bea koe kau kaihaa i hoo kakai foki, te nau hakeaki‘i akinautolu ke fakatuumau ae mea ha mai; ka te nau higa.

15 Koia e ha‘u ae tu‘i oe botu tokelau, bea keli kolo, bea e ikui ae gaahi kolo kuo a‘i malohi: bea koe mahafu oe botu toga e ikai faa taofi ki ai, be ko ene kakai fili, bea e ikai jii ha malohi ke taofi.

16 Ka koia oku ha‘u kiate ia e fai eia a ene faiteliha, bea e ikai faa tuu ha toko taha i hono ao: bea e tuu ia i he fonua oe monuia, bea e fakaauha foki ia i hono nima.

17 Bea e fakahagatonu hono mata foki ke hu ki ai moe malohi kotoa o hono buleaga, moe matamata fai totonu; e behe be ene fai: bea ne ogo ene foaki kiate ia ae fugani i he kau fefine, ke kākā‘i: ka e ikai tuu mau ia kiate ia, be kau mo ia.

18 Bea hili ia e fakahagatonu hono mata ki he gaahi otu motu, bea te ne ma‘u ia o lahi: ka e i ai ae eiki tau e taha te ne fakagata a ene bolebole mai, bea e liliu eia ae manuki ke toe hoko kiate ia be.

19 Bea hili ia te ne toki fakahagatonu hono mata ke alu ki he kolo o hono fonua: ka te ne tūkia mo humu, bea e ikai kei ilo‘i ia.

20 Bea e toki tuu hake i hono tuuga oona ha taha fakatubu tukuhau i he nāunāu oe buleaga: ka e aho jii be bea e auha ia, ka e ikai i he ita, be i he tau.

21 Bea e tuu hake i hono botu oona ha toko taha fakalielia, e ikai te nau tuku ki ai ae nāunāu oe buleaga: ka te ne hoko ki ai i he melino, bea te ne ma‘u ae buleaga i he labu.

22 Bea e melemo akinautolu i hono ao i he malofa mai ae mahafu tau o hage koe vai, bea e maumau‘i ia, io, eia moe Eiki nae fai ae fuakava;

23 Bea ka hili a ena fai fuakava mo ia, te ne fai kākā: koeuhi e ha‘u ia, bea te ne hoko o malohi ka koe kakai toko jii.

24 He te ne hoko i he melino be o ma‘u ae gaahi botu koloaia oe fonua; bea e fai eia aia nae ikai ke fai e he ene gaahi tamai, be ko ene gaahi kui; he te ne tufa kiate kinautolu ae mea kuo ma‘u i he malohi, moe mea ma‘u i he tau, moe koloa: bea e fai eia ene fakakaukau ki he gaahi botu malohi, io, i ha kuoga.

25 Bea te ne laga‘i ene malohi, bea e to‘a hono loto ki he tu‘i oe botu toga moe fuu kau tau; bea e gau‘e ae tu‘i oe botu toga ke tau moe kau tau toko lahi fakamanavahe; ka e ikai te ne tuu mau: koeuhi te nau fakakaukau‘i ae gaahi tauhele kiate ia.

26 Io, akinautolu oku kai i he ene mea kai, te nau tamate‘i ia, bea ko ene kau tau e movete: bea e to o mate ae toko lahi.

27 Bea e loto ae ogo tu‘i ni fakatouoji be ke fai kovi, bea te na lea loi i he keinagaaga be taha ka e ikai lava: he koe gataaga e hoko be ia i he kuoga kuo kotofa.

¶ 28 Bea e toki foki atu ia ki hono fonua moe koloa lahi; bea e kovi hono loto ki he fuakava maonioni; bea te ne fai ae gaahi mea lahi, bea foki atu ki hono fonua.

29 Bea i he kuoga kuo tuutuuni te ne foki mai, bea ha‘u ki he botu toga; ka e ikai hage koe fuofua ha‘u, be koia kimui.

30 Koeuhi e ha‘u kiate ia ae gaahi vaka mei Kitimi: koia te ne mamahi ai, bea foki, bea e lahi ene ita ki he fuakava maonioni: e behe a ene fai; io e liu mai ia, bea toki alea mo kinautolu oku jiaki ae fuakava maonioni.

31 Bea e tuu ae mahafu tau o kau mo ia, bea te nau fakauli‘i ae botu tabu oe malohi bea te nau ave ae feilaulau aho, bea te nau fokotuu ae mea fakalielia oku fakaulia.

32 Bea te ne fakaloto kovi‘i i he labu akinautolu oku fai kovi ki he fuakava, ka e malohi akinautolu oku ilo ho nau Otua, bea te nau fai mea lahi.

33 Bea ko kinautolu oku boto i he kakai, te nau akonekina ae toko lahi: ka te nau to i he heleta, moe afi, moe bobula, moe fakamalohi, o aho lahi.

34 Bea oka nau ka to, e tokoni akinautolu aki ae tokoni jii: ka e bikitai ae toko lahi kiate kinautolu i he labu.

35 Bea e to ha niihi iate kinautolu oku boto, koeuhi ke ahiahi‘i akinautolu, bea ke fakamaa, mo fakahinehina, o a‘u ki he kuoga oe gataaga: koeuhi oku kei ai ae kuoga kuo tuutuuni.

36 Bea e fai e he tu‘i o fakatatau mo hono loto; bea te ne hakeaki‘i eia ia, mo fakahikihiki‘i ia i he gaahi otua kotoabe, bea te ne lea aki ae gaahi mea fakamanavahe ki he Otua oe gaahi otua, bea e monuia ia, kae oua ke kakato ae houhau: he koia kuo tuutuuni e fai be ia.

37 Bea e ikai te ne tokaga ki he Otua o ene gaahi tamai, be koe holi ki he fefine, be tokaga ki ha otua e taha: he koeuhi te ne hakeaki‘i ia ke maoluga i he gaahi mea kotoabe.

38 Ka e fakaabaaba ia ki he otua oe malohi, bea koe otua nae ikai ilo e he ene gaahi tamai, te ne fakaabaaba ki ai aki ae koula moe siliva, bea moe gaahi maka koloa, moe gaahi mea oku fai ki ai ae manako.

39 E behe be ene fai i he gaahi botu malohi, moe otua foou, aia te ne fakaha mo fakanāunāuia: bea te ne fai ke nau bule ki he toko lahi; bea te nau vahevahe ae fonua koeuhi ke ma‘u koloa.

¶ 40 Bea i he kuoga amui e fakatuotua ae tu‘i oe botu toga kiate ia: bea e oho kiate ia ae tu‘i oe botu tokelau o hage koe ahiohio, moe gaahi saliote, moe kau tau heka hosi, bea moe gaahi vaka lahi; bea te ne hu ki he gaahi fonua, bea te ne mafola atu ai.

41 Te ne hu foki ki he fonua oe monuia, bea e lahi ae fonua kehekehe e fulihi: ka e hao be mei hono nima ae gaahi fonua ni, io, a Itomi mo Moabe, moe toko lahi i he fānau a Amoni.

42 Te ne mafao atu hono nima foki ki he gaahi fonua; bea e ikai hao ae fonua o Ijibite.

43 Bea te ne bule ki he koloa, oe koula, moe siliva, bea moe gaahi mea mahuiga kotoabe o Ijibite: bea koe kau Libea moe kau Itiobea, te nau muimui iate ia.

44 Ka te ne mamahi ia i he ogoogo mei he botu hahake, bea moe botu tokelau, koia te ne alu atu i he ita lahi, ke fakaauha mo fakaojiojigamalie ae toko lahi.

45 Bea te ne fokotuu ae gaahi fale fehikitaki o hono nofoaga i he vahaa oe gaahi tahi i he mouga tabu mo nāunāuia; kae hoko be a hono gataaga, bea e ikai ha taha e tokoni kiate ia.