Koe Tohi ‘a e Balofita ko Taniela

¶ 1 I HONO tolu oe ta‘u oe bule a Jihoiakimi, koe tu‘i o Juta, nae ha‘u a Nebukanesa koe tu‘i o Babilone ki Jelusalema, bea tau‘i ia.

2 Bea nae tuku e he Eiki a Jihoiakimi koe tu‘i o Juta ki hono nima, moe gaahi ibu niihi i he fale oe Otua; aia naa ne ave ki he fonua, ko Saina, ki he fale o hono otua; bea ne omi ae gaahi ibu ki he feleoko o hono otua.

¶ 3 Bea nae lea ae tu‘i kia Asibinasi, koe eiki o ene kau talifekau, ke ne omai ha niihi oe fānau a Isileli, bea moe hako oe tu‘i, bea moe gaahi houeiki:

4 Koe fānau tae ha ila kae matamatalelei, bea boto i he gaahi boto kotoabe, bea ilo‘i ae gaahi ilo, mo boto i he gaahi boto oku ako, bea mo kinautolu nae ma‘u ae faa fai iate kinautolu ke tuu i he fale oe tu‘i, ke ako kiate kinautolu ae boto moe lea ae kau Kalitia.

5 Bea ne tuutuuni e he tu‘i ki ai ae tufakaga mea kai i he aho kotoabe, i he mea kai ae tu‘i, bea moe uaine aia naa ne inu: o tauhi behe i he ta‘u e tolu, koeuhi i he gataaga oia ke nau tuu i he ao oe tu‘i.

6 Bea nae iate kinautolu, i he fānau o Juta, a Taniela, mo Hanania, mo Misaeli, mo Asalia.

7 Akinautolu nae ai ki ai e he eiki oe kau talifekau ae gaahi higoa, he naa ne ai kia Taniela ae higoa ko Belitisasa, bea kia Hanania ko Seteleki, bea kia Misaeli ko Mesake, bea kia Asalia, ko Abetiniko.

8 Ka nae fakababau a Taniela i hono loto, e ikai te ne fakauli‘i eia ia, aki ae tufakaga mea kai oe tu‘i be koe uaine naa ne inu: koia naa ne kole ki he eiki oe kau talifekau, ke oua naa ne fakauli‘i eia ia.

9 Bea koeni, kuo fakatubu e he Otua, i he loto oe eiki oe kau talifekau, ae lelei moe ofa mamahi kia Taniela.

10 Bea ne behe, e he eiki oe kau talifekau kia Taniela, Oku ou manavahe ki hoku eiki koe tu‘i, aia kuo ne tuutuuni a hoo mou mea kai, mo hoo mou inu, koeha ka mamata ai ia ki ho mou mata oku matamata kovi i he fānau, aia oku mou faahiga ki ai? Ka behe te mou fakatubutamaki ke to ki hoku ulu mei he tu‘i.

11 Bea ne behe e Taniela kia Melasa, aia nae fakanofo e he eiki oe kau talifekau, ke bule kia Taniela, mo Hanania, mo Misaeli, mo Asalia.

12 Oku ou kole kiate koe, ke ke ahiahi a hoo kau tamaioeiki i he aho e hogofulu, bea ke nau tuku kiate kimautolu ae sebo, ke mau kai, moe vai ke mau inu.

13 Bea tuku ke vakai ki ho mau mata i ho ao, bea moe mata oe fānau oku kai ae tufakaga oe mea kai ae tu‘i: bea hage ko hoo mamata, fai ki hoo kau tamaioeiki.

14 Bea behe, naa ne tokaga kiate kinautolu i he mea ni, bea ne ahiahi‘i akinautolu i he aho e hogofulu.

15 Bea i he gataaga oe aho e hogofulu, nae matamatalelei hake mo jino a ho nau mata i he fānau kotoabe, aia nae kai ae tufakaga oe mea kai ae tu‘i.

16 Koia nae ave e Melasa ae nau tufakaga mea kai, bea moe uaine nae tuku ke nau inu, bea ne tuku kiate kinautolu ae sebo.

17 Bea koe kau talavou e toko fa ni, nae foaki e he Otua kiate kinautolu ae ilo moe mafai, i he gaahi iloilo kotoabe moe boto, bea nae ma‘u e Taniela ae ilo‘i oe gaahi mea ha mai kotoabe, moe gaahi miji.

18 Bea i he gataaga oe gaahi aho nae lea ae tu‘i, ke ne omi ki loto akinautolu, bea nae omi ki loto akinautolu e he eiki oe kau talifekau, ki he ao o Nebukanesa.

19 Bea nae lea ae tu‘i mo kinautolu; bea iate kinautolu kotoabe, nae ikai ke ilo ha niihi oku tatau mo Taniela, mo Hanania, mo Misaeli, mo Asalia: koia nae tuu akinautolu i he ao o Nebukanesa.

20 Bea i he gaahi mea kotoabe oe boto, moe ilo aia nae fehui ai ae tu‘i kiate kinautolu, naa ne ilo‘i akinautolu, ne nau lelei hake o liuga hogofulu, i he kau fiemana, moe kau asitolonoma kotoabe, aia nae i hono buleaga kotoabe.

21 Bea nae kei i ai be a Taniela, o a‘u ki hono uluaki ta‘u oe tu‘i ko Kolesi.