¶ 1 NAE gaohi e Belesasa koe tu‘i ha katoaga kai ki hono gaahi houeiki e toko taha afe, bea ne inu uaine i he ao oe toko taha afe.

2 I he ene kei inu ae uaine nae fekau e Belesasa ke omi ae gaahi ibu koula, moe gaahi ibu siliva, aia nae omi e he ene tamai ko Nebukanesa mei he fale lotu lahi aia nae i Jelusalema; koeuhi ke inu mei ai e he tu‘i moe houeiki, mo hono gaahi unoho, mo hono kau jinifu.

3 Bea naa nau omi ae gaahi ibu koula, aia nae ave mei he botu tabu oe fale oe Otua, aia nae i Jelusalema; bea nae inu mei ai ae tu‘i moe houeiki, mo hono gaahi unoho, bea mo hono kau jinifu.

4 Naa nau inu uaine, mo fakamalo ki he gaahi otua koula, bea moe siliva, moe balasa, moe ukamea, moe akau, bea moe maka.

5 I he feituubo koia nae ha mai ae louhi‘i nima oe tagata, oku tohi i he fuga oe holiji fale oe tu‘i o feouga moe tuuga māma; bea nae mamata ae tu‘i ki he louhi‘i nima nae tohi.

6 Bea nae fakakehe ae fofoga oe tu‘i, bea ko ene gaahi mahalo nae bubutuu ai ia; koia nae homo ai ae gaahi hokotaga o hono kogaloto, bea nae fetaboji a hono ogo tui,

7 Bea nae kalaga ae tu‘i ke omi ae kau asitolonoma, moe kau Kalitia, bea moe kau kikite. Bea nae lea ae tu‘i, o ne behe ki he kau tagata boto o Babilone, Iloga ha taha e lau ae tohi ni mo fakaha kiate au hono uhiga, e fakakofu aki ia ae kulokula, bea e ai ae kahoa koula ki hono kia, bea te ne hoko ko hono toko tolu i he kau bule oe buleaga.

8 Koia nae ha‘u ai ae kau tagata boto kotoabe ae tu‘i: ka nae ikai te nau faa lau ae tohi be fakaha ki he tu‘i hono uhiga oia.

9 Bea nae bubutuu lahi aubito ae tu‘i ko Belesasa, bea nae kehe a hono fofoga iate ia, bea nae ofo lahi a hono gaahi houeiki.

10 Bea koe mea i he gaahi lea ae tu‘i mo hono gaahi houeiki, nae hu ai ae tu‘i fefine ki he fale kai: bea nae lea ae tu‘i fefine o ne behe, E tu‘i ke ke moui o taegata: oua naa ke mamahi i hoo gaahi fakakaukau, bea oua naa ke fofoga kehe:

11 Oku ai ae tagata i ho buleaga, aia oku iate ia ae atamai oe gaahi otua maonioni, bea i he gaahi aho o hoo tamai, nae ilo iate ia ae māma, moe ilo, moe boto, o hage koe boto oe gaahi otua; aia nae fakanofo e he tu‘i ko Nebukanesa ko hoo tamai, oku ou behe, ae tu‘i ko hoo tamai, koe bule oe kau fai mea mana moe kau asitolonoma, moe kau Kalitia moe kau kikite:

12 Bea koeuhi nae iate ia ha atamai lelei, moe ilo moe boto, i he fakaha oe uhiga oe gaahi miji, moe gaahi lea ilogataa, moe fakatonutonu mea, nae ilo i he Taniela koia, aia nae fakahigoa e he tu‘i ko Belitisasa: bea ko eni, ui kia Taniela, bea e fakaha eia hono uhiga.

13 Bea nae omi a Taniela ki loto ki he ao oe tu‘i. Bea nae lea ae tu‘i kia Taniela o behe, Ko koe, koe Taniela koia oku oe fānau oe bobula o Juta, aia nae omi e he tu‘i ko eku tamai mei Jutea?

14 Kuou fanogo kiate koe, o behe oku iate koe ae atamai oe gaahi otua, bea oku ilo iate koe ae māma, moe ilo, bea moe boto lelei.

15 Bea koeni, kuo omi ki hoku ao ae kau tagata boto moe kau asitolonoma, koeuhi ke nau lau ae tohi ni, bea fakaha mai kiate au a hono uhiga: ka nae ikai te nau mafai ke fakaha hono uhiga oe mea:

16 Bea kuou fanogo kiate koe, o behe, oku ke faa fakatubu uhiga mo fakaha ae gaahi mea ilogataa: bea koeni, kabau te ke lau ae tohi, mo fakaha mai kiate au hono uhiga oia, e fakakofuaki koe ae kulokula, bea e ai ae kahoa koula ki ho kia, bea te ke hoko ko hono toko tolu i he kau bule oe buleaga.

17 Bea nae lea a Taniela i he ao oe tu‘i o ne beheage, Ke iate koe hoo gaahi mea foaki, bea tuku a hoo gaahi totogi ki ha taha kehe; ka teu lau ae tohi ki he tu‘i, bea teu fakaha kiate ia a hono uhiga.

18 Ko koe, e tu‘i, nae foaki e he Otua fugani maoluga, kia Nebukanesa ko hoo tamai, ha buleaga moe malohi, moe nāunau, moe fakaabaaba;

19 Bea koe mea i he malohi naa ne tuku kiate ia, nae tetetete mo manavahe kiate ia, ae gaahi kakai, moe gaahi buleaga, moe gaahi lea kotoabe: koia naa ne loto ki ai naa ne tamate‘i; bea koia naa ne loto ki ai naa ne fakamoui; bea koia naa ne loto ki ai naa ne hakeaki‘i; bea koia naa ne loto ki ai naa ne fakahifo.

20 Ka i he agahiki a hono loto, moe fakafefeka a hono loto i he laukau, nae fakahifo ia mei hono nofoaga fakatu‘i, bea naa nau too a hono nāunāu meiate ia;

21 Bea nae kabuji ia mei he gaahi foha oe tagata; bea nae gaohi hono loto ke hage koe loto oe faga manu, bea naa ne nofoaga fakataha moe faga asi kai vao: naa nau fafaga ia aki ae mohuku o hage koe faga bulu, bea nae viviku hono jino i he hahau oe lagi; kae oua ke ne ilo eia, nae bule ae Otua fugani maoluga i he buleaga oe tagata, bea oku ne tuutuuni ki ia aia oku ne faiteliha ki ai.

22 Ka ko koe ko hono foha e Belesasa, nae ikai te ke fakavaivai‘i ho loto, ka naa ke ilo ae gaahi mea ni kotoabe.

23 Ka kuo ke fakahikiniki koe ki he Eiki oe lagi, bea kuo nau omi ae gaahi ibu o hono fale ki ho ao, bea ko koe mo hoo gaahi houeiki, mo hoo gaahi unoho, mo hoo kau fefine, kuo mou inu kava mei ai; bea kuo ke fakamalo ki he gaahi otua siliva, moe koula, moe balasa, moe ukamea, moe akau, moe maka, aia oku ikai ke mamata, be fanogo, be ilo: bea koe Otua aia oku i hono nima a hoo mānava, bea oku oona ho gaahi hala kotoabe, nae ikai te ke fakamalo‘i.

24 Bea nae toki fekau ae louhi‘i nima meiate ia; bea ko eni ae tohi nae tohi.

25 Bea ko eni ae tohi aia nae tohi, Mine, Mine, Tikeli, Ufasini:

26 Bea ko hono uhiga eni oe lea: Mine; Kuo lau e he Otua a ho buleaga, bea kuo fakaoji ia.

27 Tikeli; Kuo fakamamafa koe i he mea fua tautau, bea kuo ilo koe oku ke maamaa.

28 Belesi; kuo vahevahe a ho buleaga, bea kuo tuku ki he kau Mitia moe kau Beasia.

¶ 29 Bea nae fekau e Belesasa, ke nau fakakofu a Taniela aki ae kulokula, bea nae ai ae kahoa koula ki hono kia, bea nae fanogonogo ia, ke ne hoko ko hono toko tolu ia i he bule oe buleaga.

30 I he bo koia nae mate tamate‘i a Belesasa, koe tu‘i oe kau Kalitia.

31 Bea nae faao ae buleaga e Talaiasi koe Mitia, i hono onogofulu ma ua ta‘u nai o ene motua.