¶ 1 I HONO tolu ta‘u oe bule ae tu‘i ko Belesasa, nae ai ae mea nae ha mai kiate au, io, kiate au Taniela, i he hiliage ia aia nae tomua ha mai.

2 Bea neu mamata ki he mea ha mai; bea nae hoko o behe i he eku mamata, neu i Susani i he fale oe tu‘i, aia oku i he vahe fonua o Ilami; bea neu mamata i he mea ha mai, bea naaku i he vee vai tafe ko Ulai.

3 Bea neu haga hake hoku mata o mamata, bea vakai, nae tuu i he vee vaitafe ae sibi tagata bea nae iate ia ae nifo e ua: bea nae maoluga ae ogo nifo; ka nae maoluga ae taha i he taha, bea nae tubu fakamuimui aia nae maoluga.

4 Neu mamata ki he sibi tagata nae oho fano ki he botu hihifo, moe tokelau moe toga; koia nae ikai faa tuu i hono ao ha faga manu kehe, bea nae ikai ai ha niihi e lava‘i ha fakahaofi mei hono nima; ka naa ne fai ki he aga o hono loto, bea ne hoko o lahi.

5 Bea i he eku kei fakakaukau, vakai nae ha‘u ha koji tagata mei he botu hihifo i he fuga o mamani kotoabe, bea nae ikai te ne tuu ki he kelekele: bea nae i he koji ha nifo majila i he vahaa o hono mata.

6 Bea naa ne ha‘u ki he sibi tagata aia nae i ai ae nifo e ua, aia neu mamata oku tuu i he vee vaitafe, bea naa ne oho malohi kiate ia i he ene lili.

7 Bea neu mamata ki he ene unuunu atu ki he sibi tagata, bea naa ne oho malohi kiate ia, bea ne ta‘i ae sibi tagata, o feji‘i hono ogo nifo: bea nae ikai ha malohi i he sibi tagata ke tuu i hono ao, ka naa ne li hifo ia ki he kelekele bea ne malaki ia: bea nae ikai ha taha ke fakahaofi ae sibi tagata mei hono nima.

8 Koia nae hoko o lahi aubito ae koji tagata: bea i he lolotoga a ene malohi nae faji ae nifo majila; bea ke fetogi ia, nae tubu hake ae nifo e fa ki he feituu matagi e fa oe lagi.

9 Bea nae tubu mei ha taha iate kinautolu ha kihi‘i nifo jii, aia nae tubu o lahi aubito, ki he botu toga, bea moe botu hahake, bea moe fonua oe monuia.

10 Bea nae tubu ia o lahi, io o a‘u ki he gaahi fetuu oe lagi, bea naa ne li hifo ae kau maoluga niihi, bea moe gaahi fetuu ki he kelekele, o ne malaki akinautolu.

11 Io, naa moe Eiki oe gaahi toko lahi naa ne fai fakafielahi ki ai, bea nae taofi meiate ia ae feilaulau aho, bea nae fakalielia‘i hono botu tabu.

12 Bea nae tuku kiate ia ae kau tau ke taofi aki ae feilaulau aho koeuhi koe agahala, bea naa ne fakahifo ki lalo ae mooni, bea naa ne faa fai mo tubu lelei.

¶ 13 Bea neu fanogo ki he toko taha oe kau maonioni nae lea, bea nae behe e he toko taha kehe oe kau maonioni ki he toko taha koia nae lea, E fefe hono fuoloa oe mea ha mai ki he feilaulau aho, bea moe agahala fakamalaia aia oku tukuage ai ae botu maonioni, bea moe kau tau ke moloki hifo i he va‘e?

14 Bea naa ne behe mai kiate ia, O a‘u ki hono ua afe ma tolugeau oe aho; aia e toki fakamaa ai ae botu maonioni.

¶ 15 Bea nae hoko o behe, hili eku mamata, io, ko au Taniela, ki he mea ha mai, mo eku kumi ki hono uhiga, bea iloage nae hage ne tuu i hoku ao ha tagata.

16 Bea neu fanogo ki he le‘o oe tagata mei he vahaa oe ogo kau vai o Ulai, aia nae ui o behe, E Kebeleli ke ke fakaboto‘i ae tagata ni ke ne ilo ae mea ha mai.

17 Koia naa ne ha‘u o ofi ki he botu aia neu tuu ai: bea i he ene ha‘u neu manavahe, bea neu to fakafoohifo ki hoku mata: bea ne behe mai kiate au, Ke ke ilo e foha oe tagata, he ka a‘u ki he gataaga oe kuoga e hoko ai ae mea ha mai.

18 Bea i he ene kei lea kiate au, naaku mohe mau mo hoku mata ki he kelekele: ka naa ne ala mai kiate au, bea fokotuu hake au.

19 Bea ne behe, Vakai, teu fakaboto‘i koe i he gaahi mea e hoko i he gataaga oe houhau: koeuhi e hoko ae gataaga i hono kuoga kuo tuutuuni.

20 Koe sibi tagata aia naa ke mamata ai nae ua hono nifo, koe gaahi tu‘i o Mitia mo Beasia ia.

21 Bea koe koji fulufulu koe tu‘i Kalisi ia; bea koe nifo majila oku i he vahaa o hono ogo mata koe uluaki tu‘i ia.

22 Bea koeuhi foki nae faji ia, bea tuu hake ai ae toko fa, e tuu hake mei he buleaga ae buleaga e fa, ka e ikai tatau mo hono malohi oona.

23 Bea i he kuoga fakamui o ho nau buleaga, oka hoko o kakato ae gaahi agahala, e tuu hake ha tu‘i oku fofoga houhau, bea faa ilo‘i ae gaahi kubu‘i lea ilogataa.

24 Bea ko hono malohi e lahi aubito, ka e ikai i he ene malohi aana: bea te ne fai ae fakaauha fakamanavahe, bea e tubu be ia mo faa fai, bea e fakaauha ae kakai malohi mo maonioni.

25 Bea koe mea i he ene fai fakabotoboto foki, te ne ai ke aoga ae kākā i hono nima; bea te ne fakafuofua lahi ia i hono loto, bea te ne fakaauha ae toko lahi aki ae melino; bea te ne tuu hake foki ki he Eiki oe gaahi eiki; ka e feji‘i ia tae ala ki ai ha nima.

26 Bea koe mea ha mai oe efiafi moe bogibogi, aia nae tala oku mooni ia: koia ke ke tabuni ke mau ae mea ha mai; he koe mea ia ki he gaahi aho lahi.

27 Bea ko au Taniela neu bogia, bea neu mahaki i he gaahi aho niihi; bea hili ia neu tuu hake o fai ae gaue ae tu‘i: bea neu ofo i he mea ha mai, ka nae ikai ilo hono uhiga e ha taha.