¶ 1 BEA i he hili ae lotu a Esela, bea hili ene vete, o tagi mo fakatomabee ia i he mata fale oe Otua, nae ha‘u kiate ia mei Isileli ae fuu kakai toko lahi oe kau tagata moe kau fefine moe fānau: he nae tagi mamahi aubito ae kakai.

2 Bea ko Sikania koe foha o Jehieli, koe toko taha i he gaahi foha o Ilami, nae lea ia o ne behe kia Esela, Kuo mau fai hala ki ho tau Otua, bea kuo mau ma‘u ae gaahi unoho kehe i he kakai oe fonua: ka koeni oku ai ae amanaki lelei i Isileli oku kau ki he mea ni.

3 Bea koeni ke tau fai ae fuakava ki ho tau Otua ke mau tukuage ae gaahi unoho kehe kotoabe, mo kinautolu kuo fanau iate kinautolu, o fakatatau ki he fakakaukau a hoku eiki, mo kinautolu oku tetetete ki he fekau a ho tau Otua; bea tuku ke fai ia o fakatatau moe fono.

4 Tuu hake: he oku kau ae mea ni kiate koe: bea ke loto malohi, bea fai ia.

5 Bea nae tuu ai a Esela, bea fakafuakava eia ae kau taulaeiki lahi, moe kau Livai, mo Isileli kotoabe koeuhi ke nau fai o fakatatau ki he lea ni. Bea naa nau fuakava.

¶ 6 Bea nae tuu hake a Esela mei he mata fale oe Otua, bea ne alu ki he fale o Johanani koe foha o Iliasibi: bea i he ene hoko ki ai, nae ikai te ne kai ha ma, be inu ha vai: he nae tagi be ia koe mea i he agahala anautolu aia nae fetuku o ave bobula.

7 Bea naa nau fanogonogo ae fono i Juta kotoabe mo Jelusalema ki he fānau kotoabe oe fakabobula, koeuhi ke nau fakataha akinautolu i Jelusalema.

8 Bea iloga aia e ikai ha‘u i he aho e tolu, o fakatatau moe fakakaukau ae houeiki moe kau mātua, e faoa ene mea kotoabe, bea e vahe‘i ia mei he fakataha okinautolu nae fetuku ki he mamao.

¶ 9 Bea nae toki fakakatoa fakataha akinautolu ki Jelusalema ae kau tagata kotoabe o Juta mo Benijimani, i he aho e tolu. Ko hono hiva ia oe mahina, i hono aho e uofulu oe mahina; bea nae nofo ae kakai kotoabe i he hala lahi oe fale oe Otua, bea tetetete koeuhi koe mea ni, bea koeuhi koe uha lahi.

10 Bea nae tuu hake a Esela koe taulaeiki, o ne behe kiate kinautolu, Kuo mou fai talagataa; bea kuo mou ma‘u ae gaahi unoho kehe, ke fakalahi ki he hala a Isileli.

11 Bea koeni mou fai ae vete kia Jihova koe Otua o hoo mou gaahi tamai, bea  mou fai ki hono finagalo: bea fakamavae akimoutolu mei he kakai oe fonua, bea mei ho mou gaahi unoho kehe.

12 Bea nae lea ai ae kakai kotoabe nae fakataha o behe aki ae le‘o lahi, Hage koia kuo ke tala, oku totonu ke mau fai.

13 Ka oku toko lahi ae kakai, bea koe aho eni oe uha lahi, bea oku ikai te mau faa fai ke tuu i tuaa, bea oku ikai koe gaue eni ki he aho be taha be ua: he oku mau toko lahi kuo fai hala i he mea ni.

14 Bea koeni ke tuu hake ho mau kau bule oe fakataha kotoabe, bea ke ha‘u akinautolu kotoabe, aia kuo nau ma‘u ae gaahi unoho kehe, i ho tau gaahi kolo, i he gaahi aho e kotofa, bea ke ha‘u mo kinautolu ae kau mātua oe kolo kotoabe, moe kau fakamāu i ai, koeuhi ke fakafoki ae houhau lahi o ho tau Otua i he mea ni meiate kimautolu.

¶ 15 Ko Jonatani be koe foha o Asaeli mo Jehasia koe foha o Tikiva nae fakakau akinaua i he mea ni: bea nae tokoni akinaua e Mesulami, mo Sabitei koe Livai.

16 Bea nae fai behe be e he fānau ae kau bobula. Bea nae nofo hifo a Esela koe taulaeiki, moe niihi oe kau tuu ki mua i he kau mātua, o fakatatau ki he fale oe nau gaahi tamai, bea nae vahevahe akinautolu kotoabe i ho nau higoa, i he uluaki aho i hono hogofulu oe mahina ke fakamāu‘i ae mea ni.

17 Bea naa nau fai o oji i he uluaki aho oe uluaki mahina ki he kau tagata kotoabe naa nau ma‘u ae unoho kehe.

¶ 18 Bea nae ilo i he gaahi foha oe kau taulaeiki, ae niihi nae ma‘u ae gaahi unoho kehe: koeuhi, i he gaahi foha o Jesua koe foha o Josataki, mo hono gaahi kaiga; ko Maaseia, mo Eliesa, mo Jalibe, mo Ketalia.

19 Bea naa nau foaki ho nau nima ke nau tukuage ho nau gaahi unoho; bea i he e nau halaia, naa nau atu ae sibi tagata mei he faga sibi i he e nau agahala.

20 Bea i he gaahi foha o Imeli; ko Hanani, mo Sebatia.

21 Bea i he gaahi foha o Halimi; ko Maaseia, mo Ilaija, mo Simaia, mo Jehieli, mo Usia.

22 Bea i he gaahi foha o Basuli; Ilionei, mo Maaseia, mo Isimeli, mo Netanili, mo Josabati, mo Elasa.

23 Bea i he kau Livai foki: ko Josabati, mo Simi, mo Kelaia, (aia ko Kilita,) ko Bitaia, mo Juta, mo Eliesa.

24 I he kau hiva foki; ko Iliasibi: bea i he kau leo mataba; ko Salumi, mo Telemi, mo Uli.

25 Bea koeuhi ko Isileli: i he gaahi foha o Balosi; ko Limaia, mo Jesia, mo Malikia, mo Miamini, mo Eliesa, mo Malikija mo Benaia.

26 Bea i he gaahi foha o Ilami; ko Matania, mo Sakalia, mo Jehieli, mo Abiti, mo Jelimoti, mo Elia.

27 Bea i he gaahi foha o Satu; Ilionei, mo Iliasibi, mo Matania, mo Jelimoti, mo Sabati, mo Asisa.

28 I he gaahi foha foki o Bebai; ko Jihohanani, mo Hanania, mo Sabei, mo Atilai.

29 Bea i he gaahi foha o Bani; ko Mesulami, mo Maluki, mo Ataia, mo Jasubi, mo Siali, mo Lemoti.

30 Bea i he gaahi foha o Behati‐moabe; ko Atina, mo Kilali, mo Benaia, mo Maaseia, mo Matania, mo Besalili, mo Binui, mo Manase.

31 Bea i he gaahi foha o Halimi; ko Eliesa, mo Isija, mo Malikia, mo Simaia, mo Simione,

32 Mo Benijimani, mo Maluki, mo Simalia.

33 Bea i he gaahi foha o Hasumi; ko Matinei, mo Matata, mo Sabati, mo Ilifileti, mo Jilemai, mo Manase, mo Simi.

34 Bea i he gaahi foha o Bani; ko Mahetai, mo Amilami mo Ueli.

35 Mo Benaia, mo Betia, mo Kilu,

36 Mo Vania, mo Milemoti, mo Iliasibi,

37 Mo Matania, mo Matinei, mo Jaesai,

38 Mo Bani, mo Binui, mo Simi,

39 Mo Selemia, mo Natani, mo Ataia,

40 Mo Makanatibei, mo Sasei, mo Salei,

41 Mo Asalili, mo Selemia, mo Simalia,

42 Mo Salumi, mo Amalia, mo Josefa.

43 Bea i he gaahi foha o Nibo; ko Jieli, mo Matitia, mo Sabati, mo Sibina, mo Jatavi, mo Joeli, mo Benaia.

44 Ko kinautolu ni kotoabe nae iateki nautolu ae gaahi unoho kehe: bea nae i ai ae unoho niihi nae ma‘u ae fānau.