¶ 1 HONO fitu oe mahina, i he aho e uofulu ma taha oe mahina, nae hoko ai ae folofola a Jihova ki he balofita ko Hakeai, o behe,

2 Ke ke lea ni kia Selubebeli koe foha o Sialiteli, koe bule o Juta, bea kia Josiua koe foha o Josataki, koe taulaeiki lahi, bea ki he toega oe kakai, o behe,

3 Kohai oku toe iate kimoutolu, aia nae mamata ki he fale ni, i hono uluaki nāunāu? bea oku fefe a hoo mou mamata ki ai ni? ikai oku hage koe mea noabe ia i ho mou mata i he fakatatau ki ai?

4 Ka ke malohi ni, E Selubebeli, oku behe e Jihova; bea ke malohi, E Josiua, koe foha o Josataki, koe taulaeiki lahi; bea ke mou malohi, ae kakai kotoabe oe fonua, bea gaue, oku, behe e Jihova: he oku ou iate kimoutolu, oku behe e Jihova oe gaahi kau tau;

5 O hage koe folofola aia naaku fefuakavaaki mo kimoutolu i hoo mou ha‘u mei Ijibite, koia e nofo ai a hoku Laumalie iate kimoutolu: oua te mou manavahe.

6 He oku behe e Jihova oe gaahi kau tau; Ka koe toe taha, oku toetoe jii, bea teu lulululu ae gaahi lagi, mo mamani, moe tahi, moe fonua momoa;

7 Bea teu lulu‘i ae gaahi buleaga kotoabe, bea e haele mai ae Holi oe gaahi buleaga kotoabe: bea teu fakafonu ae fale ni i he nāunāu, oku behe e Jihova oe gaahi kau tau.

8 Oku aaku ae siliva, oku aaku moe koula, oku behe e Jihova oe gaahi kau tau.

9 E lahi hake ae nāunāu oe fale kimui ni i he uluaki fale, oku behe e Jihova oe gaahi kau tau: bea teu foaki ae melino ki he botu ni, oku behe e Jihova oe gaahi kau tau.

¶ 10 I hono uofulu ma fa oe aho i hono hiva oe mahina, i hono ua oe ta‘u o Talaiasi, nae hoko ai ae folofola a Jihova ia Hakeai koe balofita, o behe,

11 Oku behe e Jihova oe gaahi kau tau, Fehui ni ki he kau taulaeiki i he fono, o behe,

12 Kabau oku ave e ha taha ha koga feilaulau maonioni i hono kaba‘i kofu, bea oku ala a hono kaba ki he ma, be ki he beke, be ki he uaine, be ki he lolo, be ki ha meakai, e maonioni ia? Bea nae tali e he kau taulaeiki, o behe, Ikai.

13 Bea nae toki behe e Hakeai, Ka ala e ha taha oku tae maa i ha bekia, ki ha taha i he gaahi mea ni, e tae maa ia? Bea nae tali e he kau taulaeiki, o behe, E tae maa ia.

14 Bea nae toki lea a Hakeai, o behe, Oku behe ae kakai ni, bea oku behe moe buleaga ni i hoku ao, oku behe e Jihova; bea oku behe ae gaahi gaue kotoabe a ho nau nima, bea oku tae maa mo ia aia oku nau feilaulau aki i hena.

15 Bea koeni, Oku ou kole ke mou fakakaukau mei he aho ni o fai atu, i he heeki ke fokotuu ha maka ki ha maka i he fale lotu lahi o Jihova:

16 Talu ae  gaahi aho koia, i he alu ha taha ki ha fokotuuga oe  buha fua e uofulu, nae ai ae hogofulu be: i he alu ha taha ki he tataoaga ke ne fakatafe mei he tataoaga ki he  gaahi ibu e nimagofulu, nae ai ae uofulu be.

17 Naaku ta‘i aki akimoutolu ae fakamae, bea moe tuugafulufulua, bea moe uha maka i he gaahi gaue kotoabe a ho mou nima; ka nae ikai te mou tafoki kiate au, oku behe e Jihova.

18 Fakakaukau ni mei he aho ni o fai atu, mei hono uofulu ma fa oe aho i hono hiva oe mahina, io, mei he aho nae ai ae tuuga oe fale lotu lahi o Jihova, fakakaukau ki ai.

19 Oku kei i he feleoko ae tega? io, oku teeki ai ke tubu ae fua oe vaine moe akau koe fiki, moe bomikaniti, moe akau koe olive: teu tabuaki‘i akimoutolu mei he aho ni.

¶ 20 Bea nae toe hoko ae folofola a Jihova kia Hakeai, i he aho e uofulu ma fa oe mahina, o behe,

21 Fakaha kia Selubebeli, koe bule o Juta, o behe, Teu lulu‘i ae gaahi lagi mo mamani;

22 Bea teu fulihi ae nofoa fakaeieiki oe gaahi buleaga; bea teu maumau‘i ae malohi ae gaahi buleaga oe kakai hiteni; bea teū fulihi ae gaahi mea teka, mo kinautolu oku heka ai; bea e higa ki lalo ae faga hose mo ho nau kau tagata heka, taki taha i he heleta a hono tokoua.

23 Oku behe e Jihova oe gaahi kau tau, I he aho koia, teu ave koe, E Selubebeli, ko eku tamaioeiki, koe foha o Sialiteli, oku behe e Jihova, bea teu gaohi koe ke hage koe fakailoga: he kuou fili koe, oku behe e Jihova oe gaahi kau tau.